.. ][ المـَنـاعـِير ][ .. .. هــُنا ..

[محمد العريــدي]

اقبلوها كما هي :

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black"]
أحبْ أخاوِي لي .. رفيق ٍسنافي= مِنْ روس قوم ٍ ينطحون الطوابير
راع الفعَايل .. لا حصل لّي خلافي= مشكَاي لا ضَاقتْ علي التدابير
الصَاحبْ.. اللي طول الأيَام وافي= لو مال وقته ما حصل فيه تغيير
قول وفعل .. واليا وعد دوم يافي= على النقا يفعل .ولامنه تقصير
عن واجبه .. لا شك ما يوم خافي= يسوق روحه ..للقا والمخاطير
له ماقف ٍ معروف .. وفعل ٍيشافي= قرم ٍ.. وإله عند المناعير تقدير
وأنا معه .. فاليسروالعسر وافي= أبقى معه وقت الرخا والمعاسير
والأ الردي نوره مع الوقت طافي= مستغنيً عن رفقته .. يالمناعير
أهل الردى وأهل النفوس الضعافي= ياعنك مامنهم .. ياكود المخاسير
سود القلوب .. أهل العقول الخفافي= مجمّعين القول ..من دون تقرير
ياما أهرجوا بالكذب في عرض غافي= وياما سعوا للشر من دون تقصير
لاشك رفقتهم .. تراها تعافي= ومن لامني ..عساه ماينظر الخير[/poem]