علم بلادي معتلي فوق الاعلام

[هلال معضد]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الله يديم الخير ويعز الاسلام=ويحفظ ابلادي من الناس الاشرار

ابلادنا حكامها خير حكام=آل السعود اللي طويلين الاشبار

الحكم شرع الله عدد طول الايام=اشهورها واسنينها دمت يادار

هاذي ربوع ابلادنا عزها دام=ماعاش فيها كل خاين وغدار

علم بلادي معتلي فوق الاعلام=شعاره التوحيد والسيف بتار

يحميك ربي دوم في كل الاعوام=ويبعدك يادار عن كل الاضرار

فيك الجمال الزين والرب علام=الكل يمشي فيك يقطف في الازهار

فيك السياحه مالها حد وارقام=من شعبها والا ضيوف وزوار

اشتقت اعبر فيك واكتب بالاقلام=وابدع من افكاري جزيلات الاشعار

لك يابلادي صرت شاعر ورسام=فيك اكتب الابيات من دون مختار

والله احبك حب والوعد قدام=انتي في قلبي لك مكانه ومقدار

اسهر طوال الليل دونك ولا نام=مالي عذر دونك ولا عندي معذار

عهد علي اني لابصم بالبهام=منهو يقرب منك لحرقه بالنار


تحياتي لكم الشاعر هلال معضد العتيبي [/poem]