حنا هل المارج كبار الحموله،،،،،،،،،،،،

[البارع]

السلام عليكم واسعد الله مساءكم بالخير

يقول المثل...(مادون الحلق الا الايدين)وقد تهجم احد الاشخاص

على عموم قبيلة(البراق)من ذوي ثبيت من الروقه بكلمه لا اريد

ذكرها في احدى القنوات فيما يسمى بالشات وقد تكررت في اكثر من مره

وقلت هذه[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الابيات:
قريت انا كلمه وفيها تعدي=من واحدٍ ماشفت وجهه وزوله
كذبه ولكن وصلتني لحدي=لا قارب الواقع ولاهو بحوله
من خلقة النصاب يجلب ويودي=يهذ له هرجٍ مايقدر يطوله
الزمتني بالرد ماهو بودي=لكن جاك اللي تبينا نقوله
ياناشدٍ عنا بوقت التحدي= حنا هل المارج كبار الحموله
نتبع ولد هادي ونعم المقدي=يومنها بالسيف حنا البطوله
حقيقةٍ ماهيب هرجٍ يعدي=هذا ترى البراق واسمع افعوله
عرجا ترى فيها لوانا يشدي=خضنا غمار الحرب قوه وجوله
تشهد لنا هضبات غال الامدي=من فعلنا خيل الاعادي جفوله
اسمع ترى فراج بين وردي=جاب الحدث كامل ولاخفى فصوله
ووضاخ يوم ان الخناجر تحدي=صبحٍ تشيب الروس شابت لهوله
ربعي تشن وشنهم مايصدي=ارماحهم فجت نحورٍ صموله
عينت لي صمدان ليثٍ يفدي=بالخيل عجلا نٍ وعجلٍ وصوله
رماه اخو مشعان دمه يندي=هذا ولد هادي ياعرضه وطوله
سدح بخوه اثنين قولٍ وجدي=هذا الصحيح اللي لزومٍ قبوله
من بعدها جاهم وخيره يمدي= ابن سعود اللي جعلهم بدوله
عد يتلك فعلٍ وسواه جدي= واستح على وجهك ياقيمة نعوله
تراك يالمسكين منته بقدي=حذفتلك هرجة سفيهٍ عجوله[/poem]

وسامحونا على بعض الا لفاظ التي لا تليق .......دمتم بود

الــــــــــــــــــــــ سلطان البراق ــــــــبـــــــــــــــــــــــــارع