مرسال العلوم الطريفه

[محمد مذكر المغيبي]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
قم سو مما يقعد الـراس فنجـال= وكثر من اللـي يردعونـه بليفـه
يجلا وهج قلبٍ عليه الدهر مـال= ويزول عن بالي حمـولٍ كليفـه
وأجيد حبك وسبك جزلات الأمثال= شردٍ لفنه عقـب ماطـاب كيفـه
مامنهن اللي وادبة قيـد وعقـال= ولامنهن اللي طوعوهـا عسيفـه
لاكنهن طاعن بعد ليـل وجفـال= واشردهن اللي جت على البـال ضيفـه
وأخذت لين أن الغلا يمهـن مـال= وأرسلت مرسال العلوم الطريفـه
ورحب بهن و أستقبل الكل فالحال= وحطيتهن مثل العيـون الشريفـه
ورتبتهـن ترتيـب باقـي ولازال= مناسبٍ لأهـل العقـول النظيفـه
خليتها تطلع على روس الاقذال= وأبعدتها عن كل شكـه وخيفـه
وحطيت جزل القول للفكر مدهـال= يليق بالنفـس العزيـز العفيفـه
اللي لها عال المراقيـب منـزال= أطلع بها في العاليـات المنيفـه
عودتهاتطلع علـى راس ماطـال= مرضى عليها جلسـةٍ فالنصيفـه
والوقت مايرحم وفيه المثل قـال= حدالسيوف القاطعات الرهيفـه
أما تجمل وأقطع أمواج وأهـوال= والا أترك المركب على جال سيفه
وأعرف خروجك قبل تنوي بمدخال= تغلق مجال أهل النفوس الضعيفه
اللي مابين النـاس للهرج نقـال= ونفسه على هفوات غيره وليفـه
للخيـر مايقـدر وللشـر محتـال =يسبق هذيب ملافحـات السفيفـه
خطوا منافـق هيلمانـي ودجـال= هـذار يمحـل بالديـار المريفـه
عليـك باللـي للشرابيـك حـلال= أمـا زعيـم القـوم والا وصيفـه
يشفيك لو ناديـت نقـاض فتـال =وصعب الحمول تصير عنده خفيفه
وراعي حجاجٍ طلق لو الزمن طال= ماغيـره جـور الليـال العنيفـه
تارد معه بحبال جـزلات وطـوال= أمـا علـى يمنـاه والا رديـفـه
ويصير لك في منزل العم والخـال =وتصير له درعه ورمحه وسيفـه [/poem]