كم من غريقٍٍ راح لو كان سابوح .. للتواصل

[رشيد الكسر]

اسعد الله جميع اوقاتكم بكل خير ومسره


[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
كم هاجسٍ يطري وخليته يروح = واقفى ولا جاني عقب ماتركته
وكم بيت شعرٍ باازرق العود له فوح = واللي قراه يقول ليتي كتبته
وكم واحدٍ(ن) من جور الايام مجروح = ماله مخارج من غرابيل وقته
قالت به الدنيا ولو كان طحطوح = وخلته يحصد من محاصيل نبته
وكم واحد(ن)ٍ يشكي من الهم وينوح = وقلبه فضا خالي لوانك فتشته
وكم من غريقٍٍ راح لو كان سابوح = قل للبحر كم سابحٍ قد غدرته
وكم واحد(ن)ٍ يرثع على غير مصلوح = فكره مشتت والليالي عثرته
وكم واحد(ن)ٍ ذكره مع الناس مذبوح = وتلقى علومه طيبه لو بخصته
وكم واحد لجمع الريالات مشفوح = ومما تحوش ايديه نفسه احرمته
وكم واحد(ن) للمجد يبني له صروح = ويروم للعليا وينهض رقبته
وكم واحد(ن) حظه من سنين مطروح = وقالت به الاقدار حتى نهضته[/poem]

وسلامتكم



تقديري وجل احترامي



رشيد بن شعيفان الكسر