ابسط ياعم وفل حاجبك فلـــه

[عبدالله المرشدي]

رد على قصيده عمي الشاعر علي بن عبث والموجهه لي وللشاعر بدر هديب والتي كانت على هذا الرابط
http://www.otaiby.com/vb/showthread.php?t=28459

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياعمنا ياللي تدز المكاتيب=ياطيب السيره كريم الجبله
الجيب جاهز ياحصان الاطاليب=رهن الاشاره واقفٍ في محله
حنا ذراك اليا حدتك اللواهيب=امر تدلل كل كايد نذله
انت الشجيع اللي يعرف المواجيب=وانا الحسام اللي بكفك تسله
ان جات بالقوه وضرب المشاعيب=نسقي عدانا من حياض المذله
وان جات بالطيبه وحسن الاساليب=نشرب على الموضوع فنجال دله
اركب على اللي مابوصفه عذاريب=مضمون لايمكن يجي فيه خله
مركب هل الفزعات عكف الاشانيب=اللي مثل شرواك يبقى هلٍ له
نبي نشوف الزين سيد الرعابيب=راع العيون الناعسات المظله
الجادل اللي فيه وصف التعاجيب=اكيد جايز لك بدقه وجله
ماهو من اللي يكثرون الالاعيب=اللي لهم في درب الاحباب شله
اللي ذبحك وزاد فيك التناحيب=عسى وليه قرم ماهوب عله
على كذا والا كذا بالتطابيب=نسعى ونجمع شمل خلٍ بخله
لابد ماتصفي لذيذ المشاريب=ابسط ياعم وفل حاجبك فله[/poem]