قصيده عجبتني بمعانيهااااا ان شاء الله تعجبكم
بعدك لزمـت الصمـت وآثـرت السكـوت
خسـارتـي بـعـدك خـسـاره فـادحـه
والله ما نسـى ليـن عـودك ليـن أمـوت
صورتـك تبقـى فـي خيالـي واضـحـه
انتـي علـى قـول المثـل بنـت البنـوت
وانـا علـى مـا قيـل كبـدي ناجـحـه
جـوف التـرف والعـز وكبـار البيـوت
بالـقـدر والتقـديـر جـايـه رايـحــه
المـال يـذهـب والكـدالـك والـفـروت
والـحـب يبـقـى والمحـبـه فاضـحـه
لـو تضحـك عيـون المنافـق والشمـوت
نفسـي مـن الترفـات بعـدك سامـحـه
تجذبنـي لوصلـك خـيـوط العنكـبـوت
وأقـرا علـى روح الـفـراق الفاتـحـه
عنـدي لقـاك ولا كنـوز البنـك نــوت
ضحيـت لجـلـك بالعـيـون الذابـحـه
وآمـال عمـري تحـت رجلينـك تمـوت
وريحـة عطـورك فـي ثيابـي فايـحـه
تجيـن تلبـسـك المهـابـه والبـشـوت
وتقفـيـن وقـيـود الميـانـه طايـحـه
أشيـاء خياليـه عـلـى بـالـي تـفـوت
أذكـر ومعـك أنسـى عشـاى البـارحـه
وجدي علـى لقيـاك يالتـرف الصمـوت
وصلـك قليـل ونـار شـوقـي قـادحـه
مـا تقنـع العاشـق موازيـن البـخـوت
واثـق واعـرف الضاويـه والسـارحـه
صبرت صبر عقـاب بعـد غيـاب نـوت
وناحـت معـي ورقـا الحمـام النايـحـه
يصبـر علـى الـزلات حمـال التخـوت
مـا ينتهـز كـل الـظـروف السانـحـه
الـحـب يجمعـنـا وتفرقـنـا الـوقـوت
مـا شفـت لوجـيـه الجفـيـا لايـحـه
غيبي ولا ارضى عن حضورك بألف صوت
وعـودي ونفسـي فـي غرامـك سابحـه
| 
|
11-13-2007, 07:45 PM
المواضيع المتشابهه
العرض الشجري