حقيقه ما كتبت الشعر لجل ارضي جميع الناس

[مسفر الجعيد]

اهداء مع التحيه



[POEM="font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حقيقه ما كتبت الشعر لجل ارضي جميع الناس=ولا يطري على بالي زعلهم من معانيه
حقيقه قلتها من صادق الاعماق والاحساس=يصدقها الحكيم اللي تأمل في قوافيه
وزنت البيت بالميزان والمعنى قوي الساس=وصار البيت اله معني وجال الشعر قافيه
سوات اللي يغوص بحرها يجمع درر والماس=ولا يرضى بدلها بالذهب ما هيب عاريه
هلا يا مرحبا يا شوق غنابه رفيع الراس=رفيع الراس غنابه على شانك عتيبيه
هلا باللي يذكرني جروحي والعناء والباس=عسى ما باس ياتي من بعدها يالسنافيه
ثلاث سنين مرت من حياتي ما عرفت الياس=ثلاث(ن) كلها هم وكدر واسرار مخفيه
شربت المر والعلقم وتسقيني وهم بالكاس=ولو تكشف على قلبي تبا تحصل اماريه
جروح الحب ما تبرا كما حبر(ن) على قرطاس=ولو كابرت بعنادي احس بنارها الحيه
احبه واعشقه والحب ماله فالزمن مقياس=ونار الشوق تحرقني مع الروحات والجيه
تعبت ولا شكيت الهم للشمات والبلاس=واعز الناس مايدري وعاش احلام ورديه
الا يهنى من يحلم ويلقى عالم(ن) وناس=تسلي خاطر المشتاق والدعوه سعوديه
الا يا ويل قلبي كلما يسري به الهوجاس=تصير النفس والاخلاق بأسبابه تجاريه
وحال الوقت ما يرحم وكنه في يدينه فاس=يقص العود الاخضر ماش في طبعه موديه
صحيح الناس معدنها ذهب فضه وبعض نحاس=وكل الناس نعرف صنفها في واهج الضيه
على كيفك تخير واختر الطيب من الاجناس=ولا تختار من لا ينفعك فالشمس والفيه
بديت البيت الاول عز والثاني طلع نوماس=وثالثها يجسد لهفة النفس الهواويه
حقيقه قلتها من صادق الاعماق والاحساس=يصدقها الحكيم اللي تأمل في قوافيه
حقيقه ما كتبت الشعر لجل ارضي جميع الناس=ولا يطري على بالي زعلهم من معانيه[/POEM]






وسلااااامة قلوووووبكم