العود ملعوون وام البنت ملعونه

[عبدالله المرشدي]

[align=center]قصيده للشاعر الكبير عمي /علي بن عبث المرشدي موجهه للشاعر بدر هديب المرشدي ولي

وهذ قصيدة علي بن عبث[/align][poem=font="Simplified Arabic,5,black,bold,normal" bkcolor="transparent" bkimage="../backgrounds/17.gif" border="none,4,gray" type=2 line=0 align=center use=ex num="0,black"]
نبغى لنا رحلةٍ يابدر مامونه=للجوف والا لعرق سبيع من غادي
قرب لي اللي جديد يعد طبلونه=شد الكلايف عليه وزود الزادي
وان كان ابو بدر يبغى اللي يحبونه=نجيه والا يجينا وضعنا عادي
ياناس انا صايرٍ ليلى ومجنونه=شايب وقلبه خضر والصبر مافادي
انا هوايه من الزينات مزيونه=مزيونةٍ ماتلاها كل سرمادي
اوصاف عفراً على الساحه يعرضونه=من ذود فنجال والا جايبه بادي
يابدر قلبي عليها باح مخزونه=عيو عليها وانا حبي لها زادي
من دونها شايبٍ يمشي على شونه=يقول بيني وبينك حرب وجهادي
العود ملعون وام البنت ملعونه=واخوانها كل واحد حادرٍ وادي
الخاتمه حالو الانذال من دونه=وانا ليا جيت ازوره حدني حادي[/poem]


[align=center]وهذا رد الشاعر /بدر هديب المرشدي[/align]

[poem=font="Simplified Arabic,5,black,bold,normal" bkcolor="transparent" bkimage="../backgrounds/17.gif" border="none,4,gray" type=2 line=0 align=center use=ex num="0,black"]
اهل القصيد اللي على الساحه يذيعونه=ياليتهم تاركينه لابن عيادي
لون الاعلام واهل الفن يوحونه=جوه المذيعين فالتلفاز والرادي
عند الغزل يطرب العشاق بلحونه=وعند الملاقا قصيده طب الاكبادي
اروح فيها ليا وصف صغيرونه=كني على الوصف زاير غض الانهادي
واليا شكا لي حبيبه قمت من دونه=بالجاه والمال كانن ربعها اجوادي
وان كان واليه بالمطرق يسوقونه=ناخذ طلبنا وهو ملعون واربادي
ندعس على ابوه لين يقلب عيونه=ماعاد يدري عن المدل والغادي
ونخلي امه تزور اشهار وسجونه=بتقرير مختوم ان العقل متحادي
وندف اخوها على ربعن يهينونه=ماينفع الطيب في ميزان الاوغادي
وتصفي على الزين يتمشى على هونه=وتظهر فنون الشنب في فك الاصفادي[/poem]


[align=center]وهذا ردي انا [/align][poem=font="Simplified Arabic,5,black,bold,normal" bkcolor="transparent" bkimage="../backgrounds/17.gif" border="none,4,gray" type=2 line=0 align=center use=ex num="0,black"]
ياعم قيفانك اللي جات مسنونه=تطلقت من ضميرك مابها قيادي
ابياتها كنها لاجات ملسونه=تاقف على منبر الشعار وتنادي
ابو بدر من سببها باح مكنونه=باقصى ضميره لهيب النار وقادي
خويكم لا مشيتو لاتخلونه=تراه قرمٍ على الفزعات معتادي
اما يجي عندكم والا تمرونه=مع فجة الضو قبل الطرش ينقادي
نبي نروح ونشوف الوضع وشلونه=يمكن تصير الدعاوي كلها عنادي
كان البنيه بحب العود مفتونه=لازم نلم الشمل لو كانوا بعادي
اجلس مع الشايب اللي شال حاجونه=عساه يرضي ويقهر كل حسادي
اما عجوز القشر ماهيب مضمونه=عساك تقدر وتقنص جوها الهادي
والبنت مع بدر يقنعها على هونه=في ليلة ماحضرها كل نقادي
العايله كلها حمقى ومجنونه=مافيهم الي يجيب العلم بركادي
وان قالها الله نجيب لقيس مضنونه=لو كان خله نزح في دار الاكرادي[/poem]