محاوره بين عمالقين من عمالقه الساحه وهم الشاعرين رشيد الزلامي
وعبدالله بن شايق العاطفي جرت العام الماضي في
المنطقه الشرقيه انقلها لكم هنا مع التحيه
رشــــــــــيــــــــــد
سلام تسليـم فـي حفلـة عزيـز الجنـاب _ من لابـة ٍ نقطـع الفرجـة علـى شانهـا
أنا ليا شفت برق ٍ فـي عـروض السحـاب _أقـول جعلـه علـى قحطـان وأوطانـهـا
ابـــــــــن شــــايـــــق
يامرحبـا بالنيابـة عـن وديـع الركـاب _إدخـل بيـوت العـرب مـع كـل بيبانهـا
تدعي وانا ادعي عسى بعض الدعى يستجاب _جعلـه يخيّـل علـى الحـرة وعتبانـهـا
رشــــــــــيــــــــــد
مانـي بغلطـان فيكـم ياوجيـه الـذيـاب _شجرة وفاء لـو تطـول وتكثـر اغصانهـا
مانـي بداعـي عليكـم جعلكـم للـذهـاب _أبلشتـوا النـاس صاحيـهـا وقشرانـهـا
ابـــــــــن شــــايـــــق
أنا أحسب انك مشيّب واثـر تـوّك شبـاب _لكـن معيـي علـى الخوخـة ورمانـهـا
أنا أحسب إنك غدير السيل وأثـرك سـراب _تسرق عشـى أم اليتامـا بيـن ورعانهـا
رشــــــــــيــــــــــد
تراي مـا احطهـا بيـن الـذرا والزهـاب _أبعـد هـدف بندقـي وأرفـع بنيشانـهـا
يوم إني أعرفك قلبـك مثـل قلـب الغـراب _واليـوم عـودت حيـة يلـمـظ لسانـهـا
ابـــــــــن شــــايـــــق
أنت متغيـب وليتـك باقـي فـي الغيـاب _ماتنشـد النـاس صاحيـهـا وخبلانـهـا
دم العرب حـار والدنيـا مـرض والتهـاب _واللي يشـوف الجنايـز يحضـر اكفانهـا
رشــــــــــيــــــــــد
ذيك السنة قلت ابن شايـق تربـى وتـاب _وأثره يحـوف العـرب ويشيـل قدحانهـا
الله يسلـط علـى الخـيـاط راع الثـيـاب _مـا وسّـع اكمامهـا ماعـرض ابدانـهـا
ابـــــــــن شــــايـــــق
انـا ليـا تبـت لله مـا ابغـي إلا الثـواب _وإلا أنـت صابـر علـى نـارك ودخانهـا
الله يعذبـك يـا ثـوب الكبـك بالـعـذاب _ياليـت ذاك المـلـون غـيـر الوانـهـا
رشــــــــــيــــــــــد
دنياك فيها الخطـا دنيـاك فيهـا الصـواب _والباخـرة فـي البحـر معـروف ربانهـا
لكن وش رايكـم نحـرف مسيـر الركـاب _ننحـر جبـال السـراة نشـوف عربانهـا
ابـــــــــن شــــايـــــق
صحيح كلّش يصير وحاسب ٍ لـه حسـاب _وبعـض البواخـر ورا الغبـة وحيتانـهـا
النجم حول السما وإلا أنـت حـول التـراب _والمورقـي قايـلٍ لـي عانـهـا عانـهـا
| 
|
11-02-2007, 01:25 PM
المواضيع المتشابهه
العرض الشجري