والنـفـس ماتقـبـل مهـونـه وتفشـيـل

[سميحان الشمري]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يـاروح روحـي غيبتـك طولـت حيـل=عساك ما انـت لصـادق العهـد بايـق
واهــل المحـبـه صادقـيـن الاقـاويــل=تـحـفـظ لتـوثـيـق المـحـبـه وثــايــق
ودي بشوفـك شـفـت بـعـدك بهـاذيـل=لكـن الـبـلا بـالـدرب دونــك عـوايـق
وحـب العـذارى ناقـضـات المجـاديـل=يحرق قلـوب اهـل القلـوب العشايـق
سيـفـه يـطـوع ناطـحـيـن المقـابـيـل=لقلوبهـم مـع سـاحـة الـحـب سـايـق
اللـي لهـم هيـبـه تخـيـف الرجاجـيـل=ويزبـن عليهـم كــل مبـلـي وضـايـق
مـن حـب منهـم لابـسـات الخلاخـيـل=بالـه ماهـو فـي كـل الاوقــات رايــق
خـصٍ بـعـد نــوم المخالـيـق باللـيـل=تشـب فـي صــدره لهـيـب الحـرايـق
ويا بنت ياللي لك على البيض تنفيل=وزينـك عـلـى زيــن الغنـاديـر فـايـق
ابـنـشـدك وابـــي مـــردك بتـعـجـيـل=وطالبـك انــا بـالـرد قــول الحقـايـق
كـان الغـلا محفـوظ لـو طـول الطيـل=للصبـر عـنـد الـنـاس عــدة طـرايـق
الصـبـر يذكـربـه مــن الله تسـاهـيـل=مـن اللـي عليمـاً فـي نوايـا الخلايـق
وان كـان حبـك بـه دعـايـه وتمثـيـل=وعلومكـم صــارت كــذوب ولفـايـق
الـكـذب عـيـب ولابقـولـه محـاصـيـل=والنـقـع مايـشـبـه بـحــوراً عـمـايـق
والنـفـس ماتقـبـل مهـونـه وتفشـيـل=ولانــي مــن الـلـي للمقـفـي لحـايـق
ولا ارسل وراهـم بالعلـوم المراسيـل=ولازينـهـم للعـيـن والـقـلـب شـايــق [/poem]