أنت تدري اني شفاف المشاعر = محتمل جرح الكرامه والشعور
احسب لاحساس غيري الف خاطر= ما اندفع واتهور فبعض الامور
دايماٍ ما بنجرف خلف المظاهر = واثـق بنفسي وذا ماهوغرور
وانت مع كل الأسف لك طبع اخر = غايتك حب التباهي والظهور
مغرم بنفسك إلى حد التــــفاخر = ما تحس بكل ما حولك يدور
تعرف انك عالغلط لكن تكابر =كل ما جيت انصحك فيني تـثور
ما تحس ولا تعي حجم المخاطر = اللي منك شفتها وانته تجور
ورغم ظلمك والجفا مازلت صابر = انتظر تالي النفق نبراس نور
التمس شمعة امل او طيف عابر =في سماك يعيد لي بعض السرور
اقهر بلحظة تفائل حظ عاثر = وانتــزع نحسه من اعماق الجذور
وانهي دمع الحزن في مرسى المحاجر = واطوي مشوار التعب بين السطور
بعد غيبه عاود الطير المهاجر = بعد ما طال انتظاره في الحظور
| 
|
10-15-2005, 09:40 AM
المواضيع المتشابهه
العرض الشجري