][النقـص و الزود ][ ..

[محمد العريــدي]

السلام عليكم ورحمة الله وبركاته .. ..


اولا أعتذر عن غيابي الخارج عن إرداتي .. .. وأضع بين أيديكم أبيات متواضعه أأمل أن تنال ولو ببعض من إعجابكم .. ..


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

لا سبني نذل ٍ من الناس ياسعود = صديت ماكني سمعته ليا قال

لا صابني خيفه .. ولاطبعي شرود = لكن مقامي أرفعه فوق الأنذال

ناس ٍ تحب الهرج ويقودها قود= ياحبهم للقول ياطيّب الفال

العلم* مايسلم من النقص والزود =لابد تحريفه على كل الأحوال

الهرج معهم له مصادير و ورود = يمشون به ياسعود حل ٍ وترحال

أهل الزرايا هرجهم ماله حدود= مفرقيّن الشمل بالقيل والقال

لاشكْ مامنهم وأناخوك من فود= ولايتبع الواشين يالقرم رجال

ومن عادة الطيّب وانا خوك ياسعود =يرفع مقامه فوق عن بعض الأشكال

ويصبر على ماشاف والصبر محمود=وهذي طبوع القرم يانسل الأبطال

لامن بلاك الله بنذل ٍ ومقرود= لا تهمّك هروجه ولو قال ماقال
[/poem]

كل الشكر لمن مر من هنا .

اخـوكم / محمد العريدي