سبيع هل العشر و قبيلة المنتفق

[الحصان]

اهل العشر المردف: هم جماعه من الفرسان من قبيلة سبيع كانوا في سريه ارسلها الأمير / فيصل بن تركي لمراقبة تحركات القبائل المعاديه لأهل نجد بقيادة / حمد بن جفيران من الجبور وبجران ابو خيوط من الجمالين وتقابلوا صدفه بجيش جّرار من قبيلة المنتفق _ قبيلة ابن ثامر السعدون _ وجرت بينهم الوقعه في ( نقرة سنام) بالقرب من الزبير .. وكان النصر حليفهم رغم قلتهم وذالك سنة 1247 ههجري على حسب كثير من الروايات وقد اثبت اهل العشر المردف قصيده مشهوره تعتبر من روائع الشعر الشعبي التاريخي ومن الوثايق الشعريه البارزه وقد ورد في القصيده أسماء المشاركين والفرسان وهم: عامر الكبودي من عدوان وناصر الوائلي من عنزه وحمد ومنصور بن جفيران وسعد بن جاسر من الجبور وعبيد بن دواس من آل ابو ثنين وبداح وبجران ابن خيوط من الجمالين وهاجد بن نوبان من المداريه وعلي بن براك من الصّمله وغيرهم.




[poem=font="Simplified Arabic,5,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]


عمريةٍ جيناك من قلعة النيا=جينا على عشرالركاب ارداف

جينا مع زيزا حمادٍ متاهه= على صيّعرياتٍ صغار خفاف

شرف رقيبتنا بما بان فدمنا=وجانا معيفٍ هايله ماشاف

يقول قومٍ يرعب القلب كثرهم=للي يوقمهم ثلاث آلآف

غاروا علينا يوم شافوا قلنا= وردوا حيام وصدرو عيّاف

تهيالنا في بنقرة سنام دويسه= يشبع بها ذيبٍ جراه اضعاف

نقرة سنام لاسقاها وبل الحيا= ولانزفت عقب الحقوق عذاف

ياكن تعالجناليا ضيقوبنا= معالج سباعٍ شاعهن علاف

وياكن وقيد ارماحنا بيماننا= سعيرة ضوء وسط غابة غاق

اباامدح علي وابن نومان هاجد= وحمد لنا في الضيق مثل سناف

ذبح ثمانٍ قبل تبرك ركابنا= عسى تعدا عمره الإتلاف

حمد ومنصور ظفرانٍ في اللقا= ضياغمٍ في الهوش ولأشراف

والوائلي ناصر سراع عثايره= من بندقه ساق الحصان أشظاف

ويانعم ياولد الكبودي عامر= يستاهل اللي له ثمان ارهاف

الجادل اللي كالقراطيس خدها= وقرونها لاجا الجليد الحاف

وعبيد المنعور طعّان بالقنا= ماكنه إلآ بيننا وّقاف

واخذ بجران من الربع وشطره= حرٍ بدا في عالي المشراف

حيث ان بجرانٍ ليا ضيقوا بنا= له بندقٍ ماخانها الشّواف

وليا تشابك بيننا الحد والقنا= يبين فعله صامل الميقاف

بداحٍ وبجرانٍ صناديد لابه= عيال عمرٍ فعلهم ينشاف

واللي بقوا ماقلت عن وصف فعلهم= لهم من البيضاء ذراً وللحاف

حنا نطحنا النتفق قوم ابن ثامر= وظفران ماصدوا لها محراف

ياكثرهم وأنا على عشر حزب= احمدك يامنجي من ألأصداف

نطحناهم بمخيراتٍ تنثر الدما= وعيال عمٍ فعلهم ينشاف

وخسّرناهم مايه وعشرين سابق= وتسعين رجلٍكلهم عرّاف

بلوقم وإلاماقدرنا نعدهم= في ساعةٍ ضيق والرياق انشاف

ياكن جثايا الخيل في ملعب النضاء=هشيم تذريه السيول ارداف

ياضبعةٍ بالزور عرجاً برجلها= ترالك بين الروضتين اجياف

كله لعيناحرةٍ من جيشنا= ظهرنا منها بالوجيه انظاف

تسعين سيفٍ علقن في حقبهن= مسلّلاتٍ مابهن اعلاف

ياطارشٍ منا لاجيت ابن ثامر= يلبسهم عقب التّرام اغداف

حنا بني عمر سلالة عامر= قومٍ على الكايد ماهم بخفاف[/poem]