مساء الخير يالربع وناسف لقلة التواجد لظروف خاصه
ولكن اتركم مع هالبدويه المحكحكه اتمنى انها تعجبكم
يقوووول ابن هنيدس العضياني
قالوا نشوفك صـرت شـداد نـزال
خليـت لـذة مسكـنـآ فالـبـلادي
قلت ايـه حبـي للمشاويـر مـازال
انـا وقلبـي دايمـآ فـي جهـادي
شفي ليـا جـاء للبداويـن ولـوال
وفي كل يومآ جاء عسوسآ جـدادي
وتواتـرن اخبارهـن حـول ماقـال
رجلآ ثقـه تـوه معسـس وعـادي
قالوا يقول افلان مـن كـان يحتـال
قطـع الديـر لايستمـع لــدوادي
واصبح القطعان المصاليـح زرفـال
كلـن نـوا قطـع الديـار البعـادي
شفي مغاتيرآ عطى الراس مصقـال
خلن لقـدح المـرو مثـل الزنـادي
اخدودهن اخـدود سمحـات الاقبـال
فرحـن بملعـب بينهنـه عـنـادي
ارقابهـن جـردآ دقاقـات وطـوال
واخشومهن رثمن عليهـا سـوادي
سود المشارب والغـوارب والاذيـال
اوبارهـن تقـول فيهـا انعـقـادي
لاشافهـن عرافهـن جـاه غربـال
يونس بكبده مثـل شـوك الكـدادي
بناتـهـن ماحـجـزآ عـنـد دلال
ولا وقفوهنـه بسـوق الـمـزادي
ما جابهآ كايد وبيعن علـى .....ال
تـل الرقـاب اصدورهنـه سنـادي
وسقسن زفيره زلزل الحـزم زلـزال
ركز عسامـه لـو طريقـه جـلادي
الهم غروب الشمس يابـدر منـزال
يازيـن شبـت نارهـم فالحمـادي
تشوف في منزالهـم بعـض الازوال
وبيتآ بنـوه وصـار يمـه منـادي
وحيث انهم وقت الهبايب والاطـلال
خلـوا ذراه المقرعـات الـتـوادي
وشبوا بوسطه شبتآ ضوحها طـال
مـن يمهـا يفـوح ريـح القنـادي
وعن العشاء ما ردهم بعض الاحوال
عزامهـم قـام بجهـازه يـنـادي
وجن صنعت اليابان من كل منـوال
تطلقـن مثـل السبـاع الـعـوادي
سرد الجيوب اللي عليهـن الابطـال
احفاد من يخلون سـرج الجـوادي
ابطال من اهل الطيب من كل منهـال
ماهـي بطولـة لاعبيـن النـوادي
وتصدر المجلـس بليغيـن الاقـوال
اهل التجـارب فالسنيـن الغـوادي
سوالفن تجلي الهموم وغثاء البـال
تبعد عن الخاطـر همومـآ نكـادي
تنقلك من حال المملـه الـى حـال
حب الحياة وحـب قطـع الرهـادي
ومبهارتن قاموا بها شكلهـا عـال
ازلالهـا كـن الشفـق فيـه بـادي
فنجالها يكفي عـن الفيـن فنجـال
اصفر بحمره مثـل لـون الزبـادي
تتوق لها نفس الضراما ليـا سـال
بلسـم لتاثيـرات هـم الـفـوادي
في مجلسآ ماجلسـوا فيـه الانـذال
الي لهم نقـرا اتفـه الهـرج زادي
الا الـذي تاريخهـم عبـر الاجيـال
فيهم علـى ميـل الليالـي جـلادي
شيبان اسود ارجال مع بعض الاشبال
رجالهـم لطيـب عجـل انقـيـادي
رجالهـم يسـوا ثلاثيـن رجــال
عليـه بعـد الله سنـد واعتمـادي
وسلامتكم
| 
|
09-24-2007, 05:48 PM
قـــصيدة لشاااعر ضيف الله بن هنيـــــــدس فالابل ؟؟
المواضيع المتشابهه
العرض الشجري