((ياللي تقول أن الفقر عيب رجال))

[ولد الشموخ]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياللي تقول ان الفقر عيب رجال= هرجك ترا ماطاح راسي وهزه

وان كان بعض الناس يفخر بالاموال= حنا افتخرنا بالوفا والمعزه

صحيح فقران رفيعين منزال=وكلن يسابق للعلم من يرزه

ومن طبعنا نكرم ولو مابه ريال =وتلقا المراجل عندنا كل حزه

ايلا لفانا الضيف له فال وعقال =ويلقا مع الترحيب طيب وفزه

يوم ان بعض الناس تاجر ولاطال=من العلوم الطايله كبر رزه

قال المراجل نسفة شماغ وعقال= ماهمه الا قولة فلان رزه

وحنا لك الله نبذل المال والحال =ورجالنا كل غدا الطيب رمزه

مهما تقول ان الفقر عيب رجال= فقير حال مغتني بالمعزه

اخوكم//ربعي عتيبه[/poem]