[frame="2 80"]ياسعود قلبي من هواى نوف منلاف
كما يلوف الشعف غصن مريفي
عليه دمع العين ياسعود ذراف
ودموع عيني من سببها ذريفي
صادفتها ياحلو هذيك الاصداف
في موقعً باول نجوم المصيفي
فاعلى شفا الطائف نظرني بالاطراف
باطراف سود يذبحن الكفيفي
باطراف سود فوقهن الهدب صاف
ومحاجر منها جروحي نزيفي
ناظرت فيهن لين ضاعن الاوصاف
ولاصحيت ألا بطمر الرصيفي
وصحيت وليا موتره تو ماطاف
ولحقتهم والحال مني كسيفي
ونزلت وبانت ساق مركوز الارداف
وبانت مفاتن نوف واقفت تهيفي
عمهوجتن في حسنها عدم الاوصاف
ماله حلين يازبون الرديفي
ماظنتي ياسعود عاشت بالاسياف
ولاشافت البحرين واهل القطيفي
ولهي من اللي فوقهن الزمن جاف
اكثر حراويها طوارف عفيفي
الشاعر عبدالرحن الذيابي[/frame]
| 
|
10-09-2005, 01:26 PM
المواضيع المتشابهه
العرض الشجري