الاخره اخير وابقى وانعم

[عبدالله المرشدي]

آمل ان تنال الاعجاب وان تشفع لي في قلة تواجدي هذه الايام

[poem=font="Simplified Arabic,5,black,bold,normal" bkcolor="transparent" bkimage="../backgrounds/17.gif" border="none,4,gray" type=2 line=0 align=center use=ex num="0,black"]
يالله ياللي بالخفيات تعلم=ياوحدٍ كل الخلايق تهابه
يامغرقٍ فرعون في غبة اليم=ياسايقٍ بامره بشاير سحابه
يافارج الكربات ياكاشف الغم=افرج لمن همه بقلبه سطابه
اسرج خيول الفكر واصحى واحلم=في واقعٍ مرٍ لذيذٍ شرابه
اقالب الافكار من يم لايم=واميز الحاصل ولو به تشابه
اشيل ماينطاق واصبر ولا اهتم=حتى ولو جوي تطاير ترابه
اصد كني بعض الاحيان مافهم=لو بالتفت من جد صارت طلابه
اشوف لي خلجٍ ترازم على الجم=في صحصحٍ مافيه غير الذيابه
تعطلت فيه المفاهيم والتم =المنحس واللي يخيب الرجابه
الخبل مايقنع ولو قلت له تم=تبلش معه حتى بشرح الاجابه
ماهوب مثل الحر لاقلت له سم=قدر وخاف ان الخبول تحكابه
سود النوايا كثرها يجلب الهم=وبيض النوايا طب مرضى الكآبه
تخالف الهقوات بالكيف والكم=وتضيق بك دنياك عقب الرحابه
دنيا العنا فيها من المدح والذم =تلعب على الحبلين فن وذرابه
والاخره اخير وابقى وانعم=للي يميز في خطاه وصوابه[/poem]