يسعدني ان انقلكم هذي المحاوره
الجميله بين الشاعرتين نوض السديري ودلال الشمال
انشاالله تعجبكم مثل معجبتني
ــــــــــــــــــــــــــــــــــــــــــ
من ديار الوفى والطيب تحديدا ( بلدنا سدير)
نبي بيت الشعر وافي قوي النظم والتأثيـر
الشاعرة دلال الشمال
ألا يامرحبا بك عد مالجلج خفوقي عِصير
لفيتك والشعر مني كما لولو ونظمه غيـر
نوض سدير
ابي منك اصدق علومك ونثرك والشعر …لاغير
يقولـون اغلـب الشعـار حنـا مالنـا تعبيـر
دلال الشمال
شعور الشعر من قلب الذي يكتب على التسطير
وإذا به ناقصات العقل والمعنى مـع التقديـر
نوض سدير
جمعهم كلهم جمله وصرح قال مامن خير
الا يالغاليـه ماتنفـع علـوم ٍ بلاتبريـر
دلال الشمال
علومه ناقصه يابنت واصحي حملة التخدير
إذا هو عالم بالقاف فأنا قافي هُنا نحريـر
نوض سدير
عسى الله يحفظك ياشاعرتنا من عنى التكدير
(حياتي دعوة) اتحييك يامن عانق التطويـر
دلال الشمال
تعزوا القاف يوم إنه لفا لك والشعر تيسير
ولكن قلبي اتعذب ونبض القلب كالجنزير
نوض سدير
قبل هذا تعزوى واحد قبلك وثار القيـر
ترى لاضاع نبضك يالغلا ماينفع التشفير
دلال الشمال
أنا حبي .. بقلبي مستكن وسقت له تعبيـر
حبيبي غالي ٍ بالقلب وعن حبّه أبد ما أحير
نوض سدير
انا معكم وايدكم غلا مايوصفه تصويـر
عسى الله يفرج الكربه ولايكتب لنا تعسير
دلال الشمال
عسى الله يقبل الدعوات والسجدات منا تصير
وعسى الله يغفر السيّه ويبرّ د خاطري بالخير
نوض سدير
قوافي شفتها بعيني تكرر وضعها تكرير
قوافينا بيدنا فنهـا مايحتمـل تحويـر
دلال الشمال
حروفي دايم بصفي أبد ما تنحدر تحدير
واذا به ناس ماتقبل فهذا طبعهم تشهير
نوض سدير
الا يالغاليه بشهد شهادة حق طار الطير
الا يامن يطلع واحد ٍ ولى بقاع البيـر
دلال الشمال
ألا يا نوض شومي لا تردين العرب للكير
يطير الطير ياللي ما هقيت انه عليك يطير
نوض سدير
انا نوض السديريه وادمر بيتكـم تدميـر
حذفتك حذفة الميت ووقعتي ورى خرخير
دلال الشمال
انا بيتي من أحجار ٍ كريمه ماتجي تصدير
شماليه قوية باس .. من رجال ٍ تفل العير
نوض سدير
انا ازرع لك ثمر صافي تردي تزرعي جرجير
امررهـا وامررهـا عليكـم يالغـلا تمريـر
دلال الشمال
على ساحة اهل الساحه يبي لك يا غلا تمتير
قصور الشعر تفرق يا غلا عن هفوة التقصير
نوض سدير
قليبك ياحياتي واش بلاه مجمر ٍ تجميـر
ترى لحم الضبى مايشبه بلونه لحم خنزير
دلال الشمال
شياطيني معي ماتسير لين إن القوافي تسير
و إذا حرفك تعب يابنت جيتك والمعاني تنير
نوض سدير
تمهل يالغلا ثم انتبه واحذر تعكـس السيـر
ابااعطيك الشعر جرعات لين يصيبك التخدير
دلال الشمال
حروف القاف شابت في كفوفك والشعر تخبير
كثير اللي يسموني قوية باس مابـي ضيـر
نوض سدير
ترى من سار بالظلمى ولادقق صدم ببعير
انا ماني من اللي بالخفى يمشي بدهن السير
إلى هنا انتهت المحاورة
| 
|
09-16-2007, 11:57 PM
المواضيع المتشابهه
العرض الشجري