ضامي لشوفك والمعاليق جياع

[عبدالله المرشدي]

آمل ان تنال رضاكم موجهه للشاعر القدير سهيل الشمري(برق)
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياسهيل تل القلب من بين الاضلاع=تل الرشا للدلو من قاع جمه
عدٍ عليه من الخلايق تجماع=دايم عيون اللي رعى الطرش يمه
مصياف لجموع المحيلين مرباع=قراح نباعه غزيرٍ مجمه
ياسهيل طاوعني بعد جهد وصراع=واخلص معي بالحب كيفه وكمه
يوفي لي المعدال بالكيل والصاع=واعطيه من فرحي واقفي بهمه
ياسهيل ماهو من خبيثين الاطماع=ولاهو من اللي يستحق المذمه
ربي عطاله من حسينات الاطباع=اعطاه من كل الصفات المهمه
غصبٍ عليه صرت للزين مطواع=وانا منول كل طيبٍ اخمه
القلب من نار الغلا بالهوى ماع=وان راح خله مالقى من يلمه
انا اشهد اني من هوى الزين ملتاع=كني غريرٍ فاقدٍ شوفة امه
لو شفت زينه نذر يسهيل ترتاع=حتى لونك شهم منته برمه
يفر عقلك من جماله بالاصباع=اراهنك لازم تجيب المطمه
قله ليا شفته ترى شاعرك ضاع=حبك سطابه وانتشر وسط دمه
ضامي لشوفك والمعاليق جياع=فاقد حنانك غارقٍ في معمه
رجع له اللي فات هالساع هالساع=لاتتركه مادم سببت همه
ياسهيل داري عنك ياوافي الباع=لانته بخالٍ له ولانته بعمه
عطني جوابٍ مانبي فيه مرجاع=عطني قصيدٍ فوق صدري اضمه[/poem]