الا ياللـــه صبْرٍ جِميل

[بـــــــــرق]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
احْسبوها نهايه واقْصروها جِدال =انْكسرْبي جناح وجبْرها مستحيل
من عنى الوقت حالي انخذال انخذال =غدْر الايّام خلّتني خيالٍ ذِليل
حسْبي الله على وقْتٍ طعونه جِزال =دقّ عظْمي الا ياللـــه صبْرٍ جِميل
سائِلي هاك حرْفي فيه حلّ السؤال =مايبي شرْح مدْفونه صِحيح الدّليل
العِجاف اتْعبتْنِي في جدال وسِجال =وآخر الوقْت سلّم قلبي المسْتِزيل
بيّضْ الله عصْرٍ فيه شِرْب الزّلال =وقتها فاردْ احْجاجي محالٍ يميل
قِمّة العزّ تاجي والسّعاده ظِلال =والفجوج الوسيعه مدّها سلْسبيل
رحْمِتك يامعيني حظّ عاكس ومال =عدّلْ الميل ربّي وافْرِحْ المسْتِخِيل
الصّحاري ضمايا والرّكايب هزال =والصّويب اسْتصاب بْجرح وابْدى عويل
لارجى غير وجْهك للْمهازع عدال =خاضعٍ داعيٍ لك في سجودٍ طويل[/poem]



[align=center]برق [/align]