يا ليتني لا نمت يا زين ثم قمت / ألقاك جنبي جالسٍ تحتريني

[ماجد بن هلال]

بسم الله الرحمن الرحيم ،،

السلام عليكم ورحمة الله وبركاته ،،

بعد غيابٍ طويل عنكم ،،
وبما أنّ اليوم السبت ،،

قلت أدخل المنافسه بهذه المتواضعه ،،



[poem=font="Simplified Arabic,6,black,normal,normal" bkcolor="transparent" bkimage="" border="double,4,black" type=2 line=0 align=center use=ex num="0,black"]
موعد سفرها حل واليوم ما نمت=والحزن والضيقه بدت تكتسيني
يوم إنشدت وش فيك ؟ جاوبتها بصمت :=الحزن طاري سَفرتك يا ظنيني
قالت : يا طيرٍ في سما خافقي حمت=بالله قل لي وش معلقك فيني ؟
قلت : أنتي اللي لأجلها فالخطر عمت=وأنتي على شانك سهر طرف عيني
وأنتي ليا منّي ذكرتك تبسّمت=وإن شفت ( ردّك ) طاح عقلٍ رزيني
ما يوم بعت بسوق الأشواق أو سمت=حتّى عرفتك في توالي سنيني
عن حب غيرك من بنات العرب صمت=وأنتي عطيتك قلبي براحتيني
وأنتي على شانك من العالم إنلمت=ولا زال حبّك فالفؤاد الحزيني
يا إلهام فكري فيك يا الغاليه همت=ليّنت لك قلبٍ قبل ( ما يليني )
كم غلطةٍ عنها من (أهل العذل) شمت=(وكم واحدٍ) ما صار بينه / وبيني
حتى السلام / وكلمة شلونك / و دمت=(لأنه جرحك) وباح خافي كنيني
يا غايتي ، يا منيتي ، لو تكرّمت=لا تطري الرحله وخذ كلمتيني
يا ليتني لا نمت يا زين ثم قمت=ألقاك ( جنبي ) جالسٍ تحتريني[/poem]


وسلااااااااااامتكم ،،