تغيرت نـيـتـك والله دعـا فـيـك

[عبدالله المرشدي]

متواضعه ارجو قبولها

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قد قلت لك قبل الفراق احفظيني =لاتتركيني بين هذي وهذيك
اصيح باعلى الصوت ماتسمعيي=ماكن صوتي لو سمعتيه يعنيك
قلت لك بالضبط اعقلي وافهميني =لاتطيرين القلب من بين اياديك
يامارجيتك بالهوأ ترحميني=من كثرة ظنوني بلحظه تجافيك
صدقت هرجك يوم قلتي تبيني=وجيتك على كيفك من البعد هاويك
قلتي احبك حب ماله وزيني=ومافيه غيرك في حياتي يساويك
وانا عشقتك عشق بيح كنيني=ماغير اصيح بعالي الصوت وادعيك
ماعاد يملى العين غروٍ حسيني=ولا عاد اشوف الانت من كثر ماغليك
عديت حبك لي شي ثميني=ابيع غيرك وانت بعيوني اشريك
واحتاست اوضاعك يسار ويميني=وحطمتي صروح الغلا من تعاليك
قلت اتحمل دامها تهتويني=ورميت نفسي بالخطر والمهاليك
مخلص واقول الوضع باكر يزيني = وترجع كما كانت بايامنا ذيك
ادمح وابرر موقفك كل حيني= ماكنت اعرف اللي خفى من طواريك
اثرك بعد شفتي غرامي دفيني=تغيرت نيتك والله دعا فيك
قلتي مادامه خاتمٍ في يميني=بشوف غيره واتركه بالشرابيك
طبعك كذا تلهين بالعاشقيني=ماخفتي ان الله بفعلك يجازيك
مافاد بك نصحي وزايد حنيني=غرك قصيدي تحسبيني ماخليك
واليوم روحي وابعدي لاتجينـي=اقولها من قلب مابيـك مابيـك
مادام ماصنتي غلاي اتركيني=ماني بميت يوم اشوفك ولا اجيك
ابطلب الله في فراقك يعيني=وانساك وانسى كل لحظات ماضيك
بمسح بقايا دمعتي واعذريني =لاعذت بالله كل ماحل طاريك
درب الهوا والعشق ماله ضميني=في غير درب الشرع ماله مساليك[/poem]