[poem=font="Simplified Arabic,6,purple,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ويش حيلتي لا صرت ما بين نارين = نار الفراق ونار جور الحبايب
ليا قلت أببعد سال دمعي من العين = ولا قلت أبصبر راح عمري طلايب
شكيت حر النار يا كامل الزين = طول الصراع أدعى ضلوعي حطايب
أنت الذي في خافقي منك رمحين = رمح العيون ورمح خاف السبايب
سحرك طرد دمي وسرى بالشريين = طلاسمٍ شبت بجسمي لاهايب
مها تساوى عندي الزين والشين = والكون في عيني سواد ومصايب
والكبد يلهبها سوات السكاكين = والجمر في صدري تلوفه هبايب
والحال تنقص والسهر زود البين = والكل شاقي دوروا له طبايب
ادواي عندك لكن الناس غادين = هم يجهلون رماحك أصل العطايب
سدي أنا ما ابديه وأنتي تعرفين = أموت وسدي بين هاك النصايب
واليا نعوني احذري لا تزلين = وينباح سدي للعدى والقرايب
وصيتي يابنت للعهد توفين = ومن خان عهده يوم الأهوال خايب
وصلاة ربي عد ما قالوا آمين = على النبي واعداد ما عاد غايب[/poem]