قصيــدتي: عســى السحـــاب....۞بٌَِنْ نْجًِْـِِّـِِّـِِّـِِّـِِّمً۞

[جابر الثبيتي]

• عسى السحاب اللّي عصير مراديف
• اشوفها في مشـــرق الشمس عني

• لماي برقه مثل لمي الخطاطيف
• لكن مااسمع صوت رعـــده يدنِ

• يسقيك يا ذيك الجبال المشاريف
• الّي هواها يبري الوجـــــــد مني

• ويسوقها الرحمن لأرض المراغيف
• لين الحيـــا في نجـــــد يظلي متثني

• هذيك صعبات وهذى مواليف
•وهذيك تـــرزم والحـــوير يحنِ

• وهذيك خلفات ترازم معاطيف
• حـــلاّبهن في شـــدته ما يوني

• ليا اقبلن بالعصر مثل الصفاصيف
• يجلـــن هما بالحشــــــا مستكــــــنِ

• وان عسمن يجي لهن زفازيف
• ظلت قدور العطف غيظ وتثني

• دارت زباد الخير فوق المعاريف
• ظلى الزبـــــد فوق الزبادي مبني

• وصوت النجر جاله عويل وغطاريف
• كسر ســــكون الليــــل ما يرجــــــــهنِ

• والضو شب يماحشونه طفاطيف
• والكيـــــف مخلوط(ن) بهيل وبن

• ودارت علوم مصرفات تصاريف
• شي أستمعــــه وشي مذكـور مني

• بالديره الّي تكرم الجار والضيف
• أهل الشريعـــة مذهب القوم سني

• ذباحة الأكباش حمالة السيف
• حمـــاية الاوطــان من كل جن

• ما جالهم بالغي والله تصانيف
• علــم(ن) وكــاد ما تخيله ظني

• ولا حرفوا بالدين اقل تحريف
• ولا غيــروا بالخلق مقدار بن

• الله يحمى ديرتي من الصواريف
• ويعزها بالحـــق مانـــي متجنــي

• ويبعد الانـــــذال قـــوم ملاقيف
• أهل الردا من كل مذهـب يدني

• رديت من بالي لبالي محاريف
• بالقــــاهرة وأنا لحالـــي أغني

• ويا علها راقت لغيري التواصيف
• والا أنا مانــي غشيم(ن) بفنـــــي

• أقلب الهوجاس مابه تحاسيف
• الا الخواطر جـــات وابها ارن

• بالقاهرة ما احتاج عمدة وتعريف
• معي جوازي وكل مصري يهنـــي

• عسى السحاب الّلي عصير مراديف
• اشوفها في مشــرق الشمس عنـــي

• تسقيك يا ذيك الجبال المشاريف
• اللّي هواها يبـــري الوجــد مني