صعبه حياتي دونها وش تساوي

[عبدالله المرشدي]

آمل ان تنال رضاكم

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يوم اقبلت تمشي تجر الخطاوي=مابين خوف ولين تقصر خطاها
تمشي شوي شوي تقول تاوي=لقدامها لحظه مصافح ثراها
مامثلها في لابسات الغطاوي=محدٍ سحر عقلي وقلبي سواها
معتدلةٍ بالطول والعود راوي=عمهوجةٍ بالزين ربي كساها
في عينها النجلا عذاب الهواوي=من ناظرت له قام يشكي هواها
جبينها كالبدر بالليل ضاوي= وسود الجدايل ناقضتها وراها
في خدها مسكٍ وعنبر وجاوي=واحلى العسل في طعم حالي شفاها
أليا اقبلت من حسنها طحت ثاوي=ولاقفت طلبت الله يستر علاها
وصالها من كايدات المناوي=لكنها جتني على مبتغاها
جتني تبي قربي وانا جيت هاوي=واصبحت كني خاتمٍ في يداها
انا عليها حيل مضميي شفاوي=وهي على لقايي تشكي عناها
من بعدها ماني علي الصد ناوي=بقضي حياتي كلها في رجاها
صعبه حياتي دونها وش تساوي=عزي لحالي كان مالله هداها
من شفتها عيني عليها غشاوي=ماعاد الد الطرف للي عداها
هي سبة جروحي هي اللي تداوي=يالله عساني منحرم من دواها
في وصفها لو قلت ماني بقاوي=قيفان شعري بيح الله خفاها[/poem]