غض طرفك لاتشوف ام الخزاري

[عبدالله المرشدي]

متواضعه في حق الجار ارجو قبولها على مابها من نقص
[poem=font="Simplified Arabic,6,black,bold,normal"
bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياقصيدي دام نبع الشعر جاري=في حقوق الجار وضح ماطرا
دام به للطيب بياعٍ وشاري=قدمه قدام ما يرجع ورا
قله اني لجل مرضاته اداري=وافتديه براحتي لو مادرا
الوفا للجار ماهوب اختياري=والتردي فيه عيب ومنكرا
وصل جيرانك ترا فعلٍ اجباري=لاتقصر فيه لو مهما جرا
كل جارٍ في فعل جاره يماري= لابدا للطيب ذكر و مفخرا
الردي ماهو على الماجوب ضاري=لو يغيب شهور ابد مايذكرا
حق جارك بر والا في حواري=واجبٍ توفيه لو يتعسرا
احفظه في ليل والا في نهاري=احفظه في سر والا بجهرا
غض طرفك لاتشوف ام الخزاري=لا بدت لك جارتك لاتنظرا
انتبه لحوال جارك وانت ساري=انتبه له وقت عسر وميسرا
بر باللي من يمين ومن يساري=وسابع الجيران له حقٍ ترا
ثابتٍ حقه بصفحات البخاري=الصحيح اللي ينور من قرا
عن رسول الله يقرا كل قاري=حق واضح مايجي فيه افترا
تمت الابيات من نظم ابتكاري =في حقوق اللي على الطيب قصرا[/poem]