عيشيه بجو شيخٍ مرتكي

[ناصر الحربي]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
الحبيب اللي يحسب انه ذكي= لايطولها ترى بدري عليه
صرت اعديها واطوف بالحكي = ويحسبنه بالذكا ماله شبيه
اشتكي منّه لاوالله ما اشتكي= كاشفه واضحك لأني مهتويه
وين ماروح مصيره لشبكي= والمدا عندي وانا اللي حر فيه
آآآه ياكيد النساء المُهلكي = في عتامة شوق قلبه اهلكيــه
والعبي مابين حظك وشركي= رغم تزييف الحقايق عاتبيه
وان زعل بالحيل منك اضحكي= وفي متهاهات السوالف شربكيه
وعيشيه بجو شيخً مرتكي= واطرقي فنجال شعره وشربيه
وكان هوجس من روايح عطركي= اسكتي عنه اشويه واتركيه
طالعي في عين عاشق وادركي= من هواجيسه وش اللي راح فيه
ولا رجع لك من هجوسه حركي = عود ريحانً تثنى واسعفيه
الجمال. الورد . والعطر الزكي= كلها عندك وش اللي تخسريه
وآآآه ياكيد النساء المُهلكي = في عتامة شوق قلبه اهلكيــه[/poem]