ياتل قلبي...............

[رعــ الهموم ــد]

[align=center]بسم الله الرحمن الرحيم

يسعدني ان اصافحكم بآخر معاناه تعرضت لها

وأتمنى ان اكون قد وفقت في تصويرها في بويتات قله[/align]





[poem=font="Simplified Arabic,5,black,bold,italic" bkcolor="deeppink" bkimage="../backgrounds/24.gif" border="double,5,gray" type=1 line=0 align=center use=ex num="0,black"]
ياتل قلبي تلة الدلو برشاه=من جمة العد القراح النجيبي
تله وشق الدلو ثم إنتثر ماه=عقب الضما يشوف موته قريبي
وياجر قلبي جرة الذيب بعواه=لأ أمساه ليله قام يقنب قنيبي
لا شاف عال الرجم عدى وتعلاه=في عالي المرقاب لو هو تعيبي
أنا أشهد إن دنياي تشبه إلدنياه=متغربلن مافيه شكن وريبي
مريت في أول حياتي بمأساه=تجعل صغير السن راسه يشيبي
من صاحبن أقفى وهو يقصر خطاه=حل الفراق اللي نهاره صعيبي
وقف ودمع العين بالخد مجراه=يقول ليتك بالزمن تلتقيبي
لولا الحيا والصبر والله لأنعاه=لأبكي على فرقاه وأشق جيبي
لاكن خل أدناه يستر على أقصاه=الجرح في داخل فوادي عطيبي
وقتي بعد فرقاه بانت خفاياه=وش عاد باقي بالزمن وش يجيبي
يا الم0قف0ي إقفاي المحبين ما أقواه=خصن إن صارت غصب ماهيب طيبي
رووح ولا رووح خياله وطرياه=صورة خياله ثابته ماتغيبي
من وين ماصديت عن حاجه ألقاه=قلي وش أسوي بماضي حبيبي
كان الزمن جابه وجرحي بيرفاه=واللا ترا ها الجرح صعبن يطيبي
رووح بقلب الر_ع__د تله من أقصاه=دامه أخذ قلبي أنا ويش أبيبي
نسيان ماظني مع الوقت بنساه=ولا أظن ذكره في زماني يعيبي
مادام حبه حط بالكبد عرقاه=أنا أشهد إنه فالزمن بيغديبي
أنخاك يانسل الحرار المرباه=حرن ولد حرن وساسك عريبي
يا إبن الرجال اللي لهم فزعه وجاه=شامان والشامان سقم الحريبي
إفزع ترا قلب الر_ع__د راح برضاه=ردده ولاكن لاتزعل طليبي
ماغيركم يدري عن البير وإغطاه=علمي بكم يابوعمر مايخيبي
قله تراي أبا أنتظر وأتحراه=راضي بمكتوب الزمان ونصيبي[/poem]


[align=center]تقبلو تحياتي[/align]

[align=center]رعــــــ ابوـــــــــ الهموم ـــــــــــ كتيفه ـــــــــد[/align]