مـفـريــة الجـيــب (فارس المفرده/جزل القصيد)

[عبدالله المرشدي]

مساجله قديمه بيني وبين فارس المفرده الشاعر القدير ناصر الحربي عن موضوع في احد المنتديات حبيت ان انقلها لكم لعلها تعجبكم

يقول ناصر
[poem=font="Simplified Arabic,6,black,bold,normal" bkcolor="transparent" bkimage="../backgrounds/17.gif" border="none,4,gray" type=2 line=0 align=center use=ex num="0,black"]
يالمرشدي والقصيده وين شاعرها= راحت مع مطينه وغبارها ثاير
تعال قلي مدامك شخص خابرها= تفهم بيوتي ومعناها على الطاير
هي القصيده تبا شخصً يسمكرها= ولاتبا شاعراً ويقول وش صاير
عطني علومك قبل ما اقول واذكرها= وتزعل علينا عباداً دمها فاير
بعض القصايد تجي مكسور خاطرها= يافزعة الله تجي في وضع متغاير
تبا الجزاله ولكن هن عاسرها = بلو وصارت مثل بلو هل الحاير
يجيك طاير مطسس ثم دحدرها = قليل فهم ومعرفه جابها غاير
تعاف كل القصيايد يوم ينشرها= والشعر حظه ردي في وقته الجاير
ان كانت اموقعها حذر اطيرها = وان كانت مطيره وش ينفع الذاير
وان كان عينه مشيبتً محاجرها= خله ايغني على طاروقه الناير
وانت القصايد لو اني عنك اشفرها = مافيك حيله وتفهمها على الطاير
المفرده عندك اتوقع دكاترها = والشعر ما يتعبك لانه معك ساير
يالجزل جزل القصايد لا تحيرها= عطني ردودك فقط من شعرك الثاير[/poem]

[align=center]وهذا ردي[/align]
[poem=font="Simplified Arabic,6,black,bold,normal" bkcolor="transparent" bkimage="../backgrounds/17.gif" border="none,4,gray" type=2 line=0 align=center use=ex num="0,black"]
جتني بيوتٍ تحير عقل ناظرها=فيها العتب والتقصي والعجب زاير
مع فارس المفرده حفيت حوافرها=ونيشانها بالهدف موزون ومعاير
ياناصر السالفه كثرة مخاسرها=ماعاد ينفع بها ترقيع ومساير
مفرية الجيب جت مالله بساترها=عريانة العود وسط السوق وتعاير
مدري وش اللي مع الجزلات حاشرها=مادام فيها طقوق وعرضها باير
كويتها كيتينٍ من مخاطرها=وسحبتها عن حلال الناس بالواير
هن يتحايل بها من شان يجبرها=كنه على غفلته في معمعه داير
استصعب العلم واقواله يكثرها=يشجب ويستنكر الحاصل وهو حاير
مايدري ان القصايد مانخوبرها=نوفي لها كيلها بالمدح ونطاير
مثلك ياناصر بيوته يوم يسطرها=تعجب لبيب العقل من دون لايخاير
اما العصايد نجيها مانعبرها=واللي تضايق يطق الراس بالعاير
ترا المجامل فنون الشعر يدمرها=وضعوف الانفس بها ترتاح وتغاير
جتك البيوت العصيه يوم تامرها=الصدر برها وعجز القاف بالآير[/poem]