ياليت لي مثلك جناحين

[ذيب الينوفي]

[poem=font="Simplified Arabic,4,black,normal,normal" bkcolor="transparent" bkimage="../backgrounds/2.gif" border="none,4,gray" type=1 line=0 align=center use=ex num="0,black"]
ياطير يالي بالجناحين خفاق= (يليت لي مثلك جناحين واطير)
ابي ليامنه فضا خاطري ضاق= وتزاحمت بين الضلوع التفاكير
انصا الذي بالحب محرقني احراق= بسهوم عينه سمر القلب تسمير
ابو خدودن كنها لمع براق= برق ٍ من القبله مزونه مزابير
وابو ثمانن لا ضحك تشرق اشراق= تخوني في وصفهن التعابير
والجسم عودٍ ضايمه حمل الاوراق=متناسق مابين ردف وخواصير
عليه دمعي فوق الاوجان دفاق=فوق الخدود يهل مثل النوافير
مسكين قلبي يم طرياه ينساق= سوق الركاب الي عليهن مناعير
ليا ذكرته حل بالقلب دقاق= وتشكلت فرقة طبول ومزامير
ياما بحثت لزايد الشوق ترياق= وعلى علاجه سقت مالي تباشير
ياوين وصل ٍ مايجي عقبه افراق= وياوين خل ٍ ما يجي منه تقصير[/poem]
وارجو ان تنال استحسانكم