قم ياعبث

[علي عبث]

هذه القصيده اسندتها على ابني عبث وارجو ان تنال استحسنكم..

[poem=font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
قم ياعبث واحمس من البن مازان=برية تجلى عمـس مـن شربهـا
ونجر يدن عـواه ودلال رسـلان=والنـار وقدهـا وزود حطبـهـا
وليا استوت صبه لخطلين الايمان=وقبل يدور الكيـف قـدم رطبهـا
يابو علي ياشوق مريوش الاعيان=الي على الوجنات ضافي هدبهـا
اسمك عبث على اسم جدك كحيلان=الي يفك البـل ويحمـي جنبهـا
غربي شمال الخال جندل رجيـدان=كزه وجاب المهـره الـي نهبهـا
فرس نعيس ارتدها طير حـوران=بشلفا يروي جبها مـع خشبهـا
جدك عبث يوم الدهر يذبح الضان=كم حايـل قـدام بيتـه قصبهـا
يفرح به الطرقي ومن جاه جوعان=ريف الركيب الي يبـوس قربهـا
يوم الزمان الشين والكل فقـران=تلقا العرب باطراف بيته عزبهـا
ان ماتجي مثله تجي مثل فرحـان=عانزك من ربـع عزيـز جنبهـا[/poem]