فتخة مغنه

[سلطان الحويقل]

[poem=font="Simplified Arabic,5,white,normal,normal" bkcolor="darkred" bkimage="" border="solid,4,firebrick" type=0 line=0 align=center use=ex num="0,black"]
والله ثم والله والحلف تاكيد = مهمني خبلِ بهرجه شمتني
مدام راسي طاول الغيم ياعيد = وداحم الشجعان من قو متني
العلم واحد لاانقص ولاا زيد = المرجله هاويتها و هتوتني
من صنع طيبِ وسط راسي سراميد = عان الليال الشهب ماغيرتني
اسج وقطع من على رجلي البيد = واصل مرادي لو ظروفي حدتني
قو العزيمه من طبوع الصناديد = ثابت لاون اعوان وقتي غزتني
شوكت خصيمي تنكسر مثل ماريد = اطوع الانذال لامن عصتني
منعور وضحك بالخبول المقاريد = الاوله لعدودها و ردتني
ماخذت درب العز شحده وتقصيد = فتخة مغنه من هل الوضح جتني
اهل القناء والرمح وهل البواريد = في مجدهم دور السنين حضنتني
وين انت رايح جعل شوفتك ماتعيد = ياوصيفر الغره هروجك لفتني
ابوك حنا روس ولا انت رعديد = والله لاقدر شلتِ ماقدرتني
نذرِ يالولا ثم لولا الاجاويد = وتقدير ربعِ بالرفاقه شرتني
لحديك حديِ كالبكار المفاريد = يوم الطناء والهوش جاكم وجتني
حدو العطاوي بالفشق والمحاديد = يطري مضاوي بالصياح انتختني
ورك المياسم فوق علباك وجيد = لينك تقول اقفاء زماني وحتني
دمعك على خدك تناثر تراديد = وتقول نفسي بالنشب وهقتني
هذا جزاء نقالت الزور والكيد = اهل اليدين السود والوجه عتني
الله يبيدهم عن الارض تبييد = رديان والرديان ما حركتني
وقد قلتلك في مطلع القاف ياعيد = ماهمني رديان قومِ شنتني [/poem]










[align=center]شعر سلطان نايف الحويقل[/align]