مكنون قلبي .......

[الفــ*ريم*ــلا]

[align=center]
اول قصيده لي قيموها
مكنوون قلبي[/align][align=center]
جيت اجدد جرح قلبي وبالقوافي استثيره
وارثي إلي من غــلاته تبكي عيـــــوني رحيله

انا برثي الشايب اللي راح وخلاني اسيره
كيف مارثي واحدً بالطــــيب مانلـــــــقى مثيله

كان أبوي وكان اخوي وكان عزي بالجزيره
باقيً عـــــتتزه وطـــــيبه لو رحل عـنا بزوله

دائماًً حر نداوي وكل ربعه تستشيره
كيف اكفكف دمعي اللي سال من عيني الكحيله

وكل من حولي يذكرني بلحظاتٍ مريره
يوم اشوف الشـــاص اردد ليتــهم جابوا بديله

والنياق اللي على الساحه تخليني كسيره
هي تــذكرني بقعوده ونــــــــــاقةًً كانت أصيله

من ثلاث سنين ودع وكل حي هذا مصيره
ويا الله انك ترحمه وتـــــــــجعل بالجنه مقيله

ويا عسى من عذاب القبر ياربي تجيره
وتغفر ذنوب وخطـــــــايا راعــي هـاذيك النثيله

كنت احسب الشعر يطفي من لاواهيبً كثيره
مادريت انه يجـــــدد جــــــــــرح قلبي بكل ليله

ماكتبت الشعر ابغي زود مدح بكل ديره
بنت حـــر نــــداوي مـهـــــــرةً دايـــــــم أصيله

لكن انا مااقول إلا عسى بالأمر خيره
طلعت مكنـــــــون قلـــبي بالمـــــــعاني الجزيله

كانكم تفهمون الشعر ياهل البصيره
هــذا شعـــري واغــنــي به على راس الطويله

هذه القصيدة كانت تطري علي في بعض اللحظات الحزينة منذ ثلاث سنوات ولاستطيع أن اخرجها من قلبي
وهاهي تخرج إلى النور بعد أن اعادتني إلى قوقعتي ........

ودمتم بخير
الفـــ*ريم*ـــلا[/align]