قصيدة " ربعي المحايا لاقدح نار في نار "

[*المحياني*]

مساكم الله بالخير

قصيده متواضعه أتمنى أن تنال الأعجاب منكم


[poem=font="Simplified Arabic,5,black,bold,normal" bkcolor="transparent" bkimage="backgrounds/8.gif" border="double,4,black" type=1 line=0 align=center use=ex num="0,black"]
يابنت يللي تكثرين الأعذار = ماعاد أبى عذرك ولانتي معذوره
الناس ماتدري وش اللي بالأسرار =لو تدري العالم تصيري مخطوره
تقوللي أبغاك في داخل الدار = بيني وبينك سالفه ومخبوره
تبغاني أهتك حرمة الدار والجار = وأبليسها الملعون زيّن شروره
ماتدري أني من عريبين وأخيار= وأفعال ربعي بالذهب أمحفوره
ربعي عتيبه ماتهاب الأخطار = لو أن واحدهم يبنه قبوره
وأنا نفيعي وأفتخر سر وإجهار = ورأي النفيعي تعرفونه وشوره
وربعي المحايا لاقدح نار في نار = بحر غزير ينغرق في بحوره
عدونا يصبح من الذل منهار = وصحيبنا نكرمه ونملى قدوره
وكبيرنا يلقى معزه ومقدار = وصغيرنا تنخاه ويفقد شعوره
أميرنا بن عور نسل الأحرار = حفيد من سطر من أول سطوره
وخوالي الزوّد طويلين الأشبار = الضيف لاجاهم تزايد سروره
وجدي تراه كليب ساطي وجبار = على عدوه لين يقلع جذوره
وأبوي عبدالله مصلي بالأسحار = يصوم ويزكي وجاره يزوره
وأسمي ترى ماجد وخلوه تذكار = اليا حضريصبح قويًًا حضوره
مرات أغني وأكتب أبيات وأشعار = وأمرار يخوفني زماني وجوره
والحين عرفتي ليه ماأقبل بالأعذار = ماعاد أبى عذرك ولاأنتي معذوره
[/poem]

أخوكم/ ماجد عبدالله المحياني