يامـــل قلبٍ كل ماشعشع النور

[نوف]

يامل قلـبٍ كـل ماشعشـع النـور *دقة هواجيسـه علـى سـك بيـره
ايقلب الكاس الحمـر فـوق بابـور *يبغا الدبيـره ميـر مامـن دبيـره
ماجور ياقلبٍ شكـا الهـم ماجـور *الله يجـيـره مـيـر الله يجـيـره
ومغفور ياذنبٍ من الوقـت مغفـور *ملعون جد الهـم فـي كـل سيـره
كاني شكيت ايام وسنيـن وشهـور *قايـد مسيـره هـم قايـد مسيـره
ماني على صلف اللواهيب مجبـور *واثر الصغيره عنـد اهلهـا كبيـره
اقلـب الحيـلات واستثنـي الشـور *واقول خيره بـس ماهيـب خيـره
ان كان حظي بيني وبينـه اعثـور *الحـظ مقفـي والليالـي مغـيـره
الله يعين اللي شكـا الهـم والجـور *ظلم الليال ومزحهـا فـي ضميـره
دار الزمان وكل شـيٍ بـه ايـدور *والعالـم الله يالوجـيـه السفـيـره
من زلت المخطي على حق مقهـور *ومن مخطي الجيره على حق جيـره
هـذا زمنـا لـذة المـال والحـور *والهـم والاحـزان واشيـا مريـره
نستوجب الحكمه على حرف وسطور *هـذا مصيـري دام هـذا مصيـره
قال الذي لا ترجم احساس واشعـور *من واهـجٍ هـل العلـوم الخطيـره
اصدورنا ماعاد تسع لهـا اصـدور *والنـاس ملـت سلمهـا والعشيـره
واثر التطور لاعـبٍ فيهـم الـدور *غرتهـم الدنيـا باشـيـا كثـيـره
مابين امـر شايـخٍ فـوق مامـور *وذاك الامير اتشيـخ فوقـه اميـره
يعني زمنا مابـه انسـان محقـور *يستثني النـواب حضـرت وزيـره
لا ماعلينـا دامنـا خـارج السـور *الحـمـد لله عايشـيـن بستـيـره
يومه يقول ان البدو خـارج الطـور *وحنا حماهـا فالسيـوف الشطيـره
بدو بدو لا ستبـدل القلـب فالكـور *بيجيك علـمٍ مايجـي اليـوم غيـره
اخوان بـدوه للوغـا مقـدم نحـور *ا مجادهـم تشهـد عليهـا الجزيـره
شينـيٍ حلويـنٍ وذا شـي مذكـور *حنـا عـذابٍ منـزل افكـل ديـره
من يحترمنا اهلـن الفيـن مشكـور *ومن يغلط ابنا فالمـوازي سريـره
مابار علـم ولا ابـد علـم بيبـور *خل الحمـار ايفيـد باقـي حميـره
كثر الحكي مافاد فـي راس منعـور *واللي استشار ابنـا ابـد نستشيـره
اخذو علـومٍ مابهـا شـك او زور *الطير دون جنـاح ياقـف مطيـره
جبت الكلام الذرب من راس مغمور *قصـه حكايـه صفحتيـنٍ وسيـره
من مشتكا همـي الا وقـتٍ ايثـور *امـن العلـوم الاولـه والاخـيـره
وياعل قلبي لا بـدا واضـح النـور *ولاني من اللي كيفهـم سـك بيـره
هذا وجـود الحـال تشبيـه ماثـور *ابغا الدبيـره ميـر مامـن دبيـره



منقوووول

مع تحياتي