الشيخ فيحان بن سلطان الشغار والشيخ عبدالرحمن بن ربيعان وسعدون الهرس ومحمد بن دغيم السميري واللي سحب البياض من الرياض

[محمد بن دغيم السميري]

[align=center]هذه القصيدة للشاعر الشيخ فيحان بن سلطان الشغار وجارها الشيخ عبدالرحمن بن ماجد بن ربيعان والشاعر سعدون بن فهد الهرس والشاعر محمد بن دغيم السميري[/align]
[align=center]اولاً قصيدة الشيخ الشاعر فيحان بن سلطان الشغار
[/align]
[poem=font="Simplified Arabic,6,black,bold,normal" bkcolor="white" bkimage="" border="double,10,crimson" type=2 line=0 align=center use=ex num="0,black"]
ليلة البارحه كنّي خلي=وهاجس الشعر من مافي هاض
قام صدري يفيض ويمتلي=والمحبّه مكاويها إنجاض
سافر الزين عنّا ياعلي=عقب سافر ياشينك يالرياض
كن جوّه ظلام الله ولي=شخص واحد سحب كل البياض
صاحبي ياعلي ماله حلي=فارقٍ بالجمال بلا إعتراض
لاتلومون عيني ياهلي=كان منها غزير الدمع فاض
[/poem]
[align=center]مجاراة الشيخ الشاعر عبدالرحمن بن ماجد بن ربيعان
[/align]
[poem=font="Simplified Arabic,6,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]
انت ياذيب في بطنك طلي=والشواوي يحرصون الفياض
خذ جوابي قبل لاتسألي=لاتخلط الصحاح مع المراض
الاصيلات عندك تصهلي=وتلتفت للأكاديش العراض
ان رضى الخال والا يزعلي=معي شوخن يكفون الحياض
وكان ماصرت من شيعة علي=إتّبع مذهب القاضي عياض
[/poem]
[align=center]مجاراة الشاعر سعدون بن فهد الهرس المرشدي[/align]
[poem=font="Simplified Arabic,6,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]
ودّي ادخل وانا اعرف مدخلي=مع شيوخٍ معانيهم غلاض
كلمة الشافعي للحنبلي=سببت بين الإثنين إنتفاض
فالمناهل يميحون الدلي=والحكم بينهم قاضي عكاظ
راعي الاوله دربه جلي=شاف برق المخايل يوم ناض
طير حوران ودّه يعتلي=ويتخيّر من الربد الرباض
[/poem]
[align=center]مجاراة الشاعر محمد بن دغيّم السميري
[/align]
[poem=font="Simplified Arabic,6,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]
يوم جاني كلامٍ مرسلي=هاض بالي كلام المستهاض
قلت اساهم واقول إبمقولي=واقطف الورد من خضر الرياض
أشترك بالكلام اللي غلي=من غلا الشوخ واللي صار قاض
راعي الاوله مايجهلي=من يلوم المولّع كان جاض
والتعنصر نظامه قد بلي=جا بداله نظامٍ مستعاض
راح وقت النظام الاولي=قدّر الله وجاه الانقراض
إستوى المغربي والمُوصلي=والحقائق تزيل الإفتراض[/poem]