هذه قصيدة من قصائد الشاعرمشعل بن فلاح بن مشعل بن حثلين

[رائد الشيباني]

ياهيه سلمك غير وسلومنا غير ..

من بيننا ماتستمر العلاقه ..

طبع بدوي شفه مع ذوده يسير ..

يجهل أمور الدلع ولا اللباقه ..

راقي أذا قيل له ينقل الطير ..

مجنون طايش اذا سبوا نياقه ..

يفرح اذا ذعذع من الغربي عصير ..

ويشوش راسه و يصيب العقل اندفاقه ..

شاعر بس ماهو من النوع الخطير ..

يفرش فراشه على قد ساقه ..

يحفظ لأبن قضعان وهو عاشق الزير ..

وابداع ابن علوش ياناس شاقه ..

مخلوق رائع مايبي اي تغيير ..

دايخ كذا بس كله افاقه ..

وانتي تحبين الطرب والمسايير ..

وتؤمنين ان حق الحريم السواقه ..

امك طبيبه وابوك من الهوامير ..

بيديه حجز السهم وانطلاقه ..

واليوم في جده وبكره فاأقادير ..

وبعد جنوب جنيف تدور اناقه ..

ولا مابين ديور ومسيو كارتيير ..

ولوي فيتون اغلى رفاقه ..

ياللأسف مابينا تخلف وتطوير ..

انا ابي شي يصعب نطاقه ..

ابي هنوف من حلاها تظمي البير ..

ويصير هو العطشان يبغي ذواقه ..

اذا زهمتني جيتها كلي مغير ..

وأزف قلبي للهوا واحتراقه ..

من دونها لو صفوا العالم طوابير ..

اوصللها وأشوفها لو هي ****************ه ..

صورة جمال منزله دون تحوير ..

و منزهه من الغلط والرفل والطفاقه ..‏

لا ابطيت عنها كل ابوها معاذير ..

وان جيتها تفرح ولو هي شفاقه ..

من عقب فرقاها وانا ماني بخير ..

هي القلب الوحيد الي ابكاني فراقه ..

يابنت انا وياك مانصير ويصير ..

جمهورنا يعاني بسمعه اعاقه ..

بقول لك كلمه مابها اي تقصير ..

بيت شعر وينفهم من سياقه ..

يابنت سلمك غير وسلومنا غير ..

من بينا ماتستمر العلاقه