من صلب دامس

[سلطان الحويقل]

السلام عليكم

هذه قصيدتي واتمنى أن تنال اعجاب القراء في هذا الموقع الغني عن التعريف



[poem=font="Simplified Arabic,6,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
وعــــــــــــــــين يااللي كل ماهبت النود= جاها عناها ثم طول سهرها

ماعــــــــــاد عني ياالمشاكيل منشود =كني هموم الناس انا محتكرها

جــــــــــتني بنات الفكر ببروق ورعود = هلت سحايبها وسما مطرها

باالــندر اللي جات من بعد مجهود = شرد القوافي جات بااحلى دررها

عــــطـــرتها من ريحت المسك والعود = ورهيتها بالعز وقطف ثمرها

لــــبســـتها من صافي الورد عنقود = وسبحت قبل سنين غبت بحرها

مـاجيب غير الجزل والجزل معهود = بين الرجال اللي ينومس ظفرها

اصــــيغــــها وخــــلي القـــاف مشدود =قصايدي حبر القلم ماحصرها

بــــذن الولـــي ماهو من الناس منقود = مدام سلطان الحويقل صخرها

شــــعـــرن ثقيل وقــود ثم قـــود ثم قود = اليا قروه اعداي ثقله دمرها

مــــيـــراث جـــــداني هل الطيب والجود = يوم الحياه اطيع للي جبرها

تكسر عصاء العايل وتثني عن الذود = طوال الرقاب اللي معكرش وبرها

فـــوق المهار السرد والعلم مردود =سمحه ومطلق راكبن في ظهرها

شــاف العـــــلم في مقدم القوم مسنود = بيارق العدوان رمحه كسرها

يــــــوم الضياغم جوه بقيادت العود = شاف الحرار اللي قوين صطرها

ســـــــيق المنيع وصار باالتيل مقيود = لو لا الشفاعة ديرته مانحرها

والســـيف جابه من يد الشيخ ممدود = والجوخه اللي ينبهر من نظرها

علــــــــــمآ عليه شهود ثابت ومأكود = طيحت عقيد القوم كلن خبرها

حــــــواقــــله لا صار بندق وبارود = عيونهم باالهوش يقدح شررها

يومـــــن بعض الناس باالكون مفقود = دايم على الطاله بعيدن نظرها

من صلب دامس نا قضت كل معقود = سواقت العطفه لا دندن خطرها

ان كــــــان حك العود في مقدم العود = مثل الجبال الراسيات وحجرها

صــــــغيرهـــم سيفن مجرد و محدود= وكبيرهم مثل النجوم وقمرها

صــــــقور ونمور وسراحين ووسود= من باسهم خلت رجالن ديرها

هـــــــذاك طــــايح ينخل عظامه الدود= شلاه في الميدان محدن قبرها

وهـــــــذاك كوع بأخر القوم مطرود = رجله كسيره مالقاء من جبرها

قـــــــــــــوم على العليا لهم مجد مشهود= افعالهم في نجد كلن ذكرها

مـــــاني من اللي عقله صغير محدود = الباع قاصر والعرب ما قدرها[/poem]

قصيدة الشاعر/ سلطان نايف محمد الحويقل العتيبي