القلب عزيّته وشدّيت قيده ..

[بلسم الجروح]

يسرني ان انقل لكم هذه القصيده التي حاازة على إعجابي واتمنى أن تحوز على رضاكم



[poem=font="Simplified Arabic,5,darkblue,bold,normal" bkcolor="transparent" bkimage="" border="double,4,blue" type=1 line=1 align=center use=ex num="0,black"]

الكون موحش والمسا فاقد احساس=والهم ينسج من خيالـي قصيـده
اكتب همومي بالقلم فوق قرطـاس=وارسم معاناة الجـروح الجديـده
القلب وش خلاه مخنوق الانفـاس=بين الضلوع العوج ينزف وريـده
الا الفراق وغربة النـاس للنـاس=وبعض السوالف والعلوم المكيـده
ياقلب لا تحزن ولا يغلبـك يـاس=ارتاح واستبشر بلحظـه سعيـده
اقولها يا قلـب لا بـاس لا بـاس=لاتقهـرك سـود الليـال العنيـده
اللي ذكر طيبي على العين والراس=واللي تجاهلنـي تجاهلـت سيـده
ماهمني من باعني دون مقيـاس=عزيت نفسـي والامانـي بعيـده
انا كذا طبعي مع كـل الاجنـاس=القلـب عزيتـه وشدّيـت قيـده
حوله من الأضلاع حطيت حـراس=تحميه من غدر الليـال الشديـده
اللي يذوق الغدر صافي من الكاس=لابـد يتعلّـم وعلـمـه يفـيـده
ضويت لي في سود الايام نبـراس=يهدي حياتـي للـدروب الرشيـده
محشوم فكري عن تفاكير الادناس=نفسي عن الهفوات دايـم زهيـده
واللي يحاول يسرق اللول والماس=ماطالته عينـه ولا طالـت ايـده
يبطي ويشهر للبشر ذل الافـلاس=لا بدد اموالـه بيفلـس رصيـده
ماكل صيد يجيبه الحـر قرنـاس=يموت بالرمضا ولا هـو يصيـده
واللي يحاول يكسر الراس بالفاس=مثل الـذي بيـده يكسّـر حديـده
كتبتها جمله أنـا بيـن الأقـواس=(لاتقرب النيران جسمـك تبيـده)
اعوذ بالرحمن مـن كـل خنـاس=من الوسـاوس والحيـاة البليـده
ياوجد حالي كل ماهـب نسنـاس=سافـرت بافكـاري لدنيـا بعيـده
اتذكر اللي غاب من خيرة النـاس=اللي وصوفه فـي خيالـي فريـده
محشوم وافي طيب العرق والساس=بين البشر مافيه شخـصٍ نديـده
نسله من الأحرار والعرق دسـاس=رحل عن الدنيـا بساعـه نكيـده
الله يكسي جسمه الغـضّ بلبـاس=من سندس الفردوس حله جديـده
بصبر على فرقاه والقلب حسّـاس=حياتنا ماجـت علـى مـا نريـده
هذي النهاية تنكتب فوق قرطـاس=ارسلتها عبـر الاثيـر القصيـده[/poem]



الشاعره:

ضي الفكر[/font][/align]