وش يبي غير الموده والغلا والمقدريه

[امير الغلا]

ليت لي ذودً يدك البيد واحداله لحاله
..............كان ماولله علي اخلاف في نجد العذيه


جفت اقلام الغرام وطول المحبوب باله
..............والله اني ماهقيت ان الغضي يقسى عليه


وش خطاي الا المحبه وش رجاي الا وصاله
...............وش يبي غير الموده والغلا والمقدريه


دللوه اللي ربوه صغير واسرف بي دلاله
...............ليت لي قلبً يطيق الصبر وعيونٍ خليه


والغضي لو لاعه التحنان وبقلبه عداله
..............ماغدت من دونه القيعان جردً جرهديه


وان تشره قايد الغزلان ماله بي جماله
..............لعنبو من خان خلانه وجنب عن خويه


عن جنوبه والوله والشرق يغنيني شماله
..............صد ياقلب الجفا لاصد وضاح الثنيه


ماانت ياالخفاق عبد له والا انت اصغر عياله
...............انت خفاق الضلوع العوج والخيره خفيه



(منقوووووووله)