الخـيل تبـقى عـزيزه فـي مـرابطـها...................

[ناصر الحربي]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
ياكتب اكتب بيوت الشعر وضبطها=القاف بين ابمضمونه وعنوانه
الأرض قدام نبنيها انخططها=وكلاً على حسب مجهوده وبنيانه
وانا بيوتي حرام اني مالخبطها=للجزل نكتب جزيل القول وسمانه
يالمرشدي سبحة الأيام نفرطها=والعمر يفنى وكل انسان في شانه
الخيل تبقى عزيزه في مرابطها=لكن ماتت خيول العز عطشانه
بعض القوافي تشابطني وشابطها=وتاخذ بي ايام في راسي وطفشانه
ولولاي احاول وهديها واهبطها=كان ابتلش مع عباداً في بلشانه
سبحان ربي تقول انه مسلطها=لكن ماهو على دانه ويادانه
والناس بالطيب والمعروف نغبطها=ولا على غير مانفسي بشفقانه
يالمرشدي والقصايد كيف نحبطها=ماهو صحيح. الرجل يجزاء بأحسانه
اجيوش شعري تحضر عند ضابطها=ولافيهم اللي يبا يجهر بعصيانه
ياصاحبي لي ثلاث اشهور ابقطها=وكلن على قد قسمه جاه ميزانه
اشوف لي ناس راحت في خرايطها=والدايم الله عظيم الشان سبحانه
الا انت يالجزل دونك كيف اربطها=والشعر عندك بياقوته ومرجانه
اسوقها سوق يمك ثم اقلطها=هاك الهدف قدم عينك شوف نيشانه
هبطت لي ديرتن ماني بهابطها=وانته معي وين ناصر عانك اوزانه
واقرب بنايه وقفنا جنب حايطها=وقدام نمشي قطعنا غصن رمانه
وان كان تذكر ضحكنا قدم نقرطها=لنا لقينا رجل يمشي بمحجانه
يشرط علينا شروطً يوم يشرطها=الشرط الأول والآخر بين حجانه
نقبل بعضها وبعض شروط نسقطها=مبدول يحسب عباد الله ورعانه
ثم انتقالنا لديره وانت ماشطها=وفي كل بيتً نجيه تعرف سكانه
وبعض الهديا انوزيها ونصفطها=وبعض الهدايا تجي لفلان وفلانه
ياصاحبي والقلوب اشلون احنطها=الدم من قلب يجري وسط شريانه
وجراحة القلب يلزمني مشارطها=يمكن اعالج قلوب لناس عميانه
وياكاتب اكتب بيوت الشعر وضبطها=القاف واضح ابمضونه وعنوانه [/poem]

[align=center]وهذا رابط الرد

يافارس المفرده

وعساه يعجبك

http://www.otaiby.com/vb/showthread.php?t=24617[/align]