خطوبة رغد صدام حسين للشاعر السعودي منصور الشيباني

[حسام هوازن]

مشاري العبيد ( الوئام ) الرياض :

تمت مساء يوم الأربعاء الماضي خطبة الشاعر السعودي منصور الشيباني العتيبي ( منصور الغازي ) على رغد بنت صدام حسين ابنة الرئيس العراقي الراحل , وقد استطاع الشاعر الوصول إلى ابنة الرئيس وخطبتها بشكل رسمي عبر قصيدة مطولة شرح فيها رغبته الحقيقية في الارتباط بها غير آبه بما حوله من ظروف سياسية أو قبلية على حد تعبيره , وقد استعان الشاعر بعلاقته الشخصية مع إحدى سيدات الأعمال العراقيات ( شاعرة ) ليوصل لها رسالته والتي قامت الشاعرة العراقية بإيصالها إلى ابنة الرئيس العراقي في محل إقامتها في الأردن , وقد ذكر الشاعر في قصيدته مآثر والدها الرئيس صدام حسين وما كان يتميز به من شجاعة وإقدام وانه كان رمزاً من رموز العرب الأبطال وهو مادعاه إلى الاقدام على خطبتها , وقد أشار الشاعر في قصيدته إلى موقف رغد من إعدام والدها حيث كانت قمة في الشجاعة والثقة وتمالك النفس وهو من الأسباب التي دعته إلى طلب الإرتباط بها بشكل جدي , إلى ذلك ابدت ابنة الرئيس الراحل ارتياحها لموضوع القصيدة وردت في تعليقها على موضوع الخطبة أن الرجل الشجاع مطلب كل فتاة واكتفت بهذا التعليق , في حين قال مقربون من أوساط القضية في الأردن أن رغد صدام حسين وافقت مبدئياً على الزواج من الشاعر .

وهنا نص القصيدة التي قالها الشاعر كما حصلت عليها الوئام:

[poem=font="Simplified Arabic,6,darkred,bold,normal" bkcolor="transparent" bkimage="" border="none,2,gray" type=1 line=0 align=center use=ex num="0,black"]


ألا وهني من ثبت على صـدره رغـد صـدام =خذاها بالحـلال و سنـة التوحيـد وكتابـه
خذاها مبهم الغايـة خذاهـا مابـلاه اعـلام =خذاها منفردا بطيب اعروق الساس ونسابـه
خذاها بنت ذاك اللي رفع رأس العرب بوسـام=خذاها مهرة تصهل وبنت حصـان يغـزا بـه
خذاها ما ثنى رجله يسـوق الخطـوة القـدام =تقدم يوم قالت تم ايموت ايعيـش يحيـا بـه
وانا اللي مستعد اقدم لو ازعل معظم الحكـام =أسوق الها المهر لو رأس تون ابلير ترضا به
مبي غيره ولو قالو عليك امن البنات ازحـام =مبيهن لو بهن زين و بنات شيوخ من لابـه
ابي رغد هاذيك اللي اتشاهد لحظـة الإعـدام =تبسم يوم أبوهـا يقـدم للمـوت مـا هابـه
تبادله العياد ابلحظه الموقـف يجيـه الهـام =تبادله الوداع بصـوت تفخـر يـوم تبدا بـه
اتقول افداك يا يابه يا بـو عـدي يالمقـدام =عليك البيض ياالصامد بدون اقناع واعصابـه
عشت بين العرب حاكم متت يا والدي عـزام =عسى ها الكون لك فدوه جميع الناس واحزابه
قويه باس من باس تلازمه الشمـوخ إلـزام =عليها من نعاطيسـه كـرات الـدم تسعابـه
أبيها وأفصح الغاية لابي سمعـه ولا هنـدام =ولا يلزم جمال ولا عليهـا اقصـور جذابـه
ابي منها ثلاثه بس وكل اغلام يفوق اغـلام =ابي من جدهم حنكـه ومنـي هيبـة اعتابـه
ابي في حضنها يرقد حفيد المعجـزة وينـام =وابي عن جده اتسولف قبل ماينـام يسهابـه
ابيه ان نام يحلم به و تكثـر زخـة الاحـلام =واشوف الصبح في طبعه ردود افعـال تشابـه
ابي يكبر على ذكره و يتبـع سيرتـه بحكـام =ابي نفس الشجاع اللي سعيد الغـرب بغيابـه
ابيهم للعروبه في ردى الموقف سند وحـزام =ابيهم يفطمـون اللـي علينـا كشـر انيابـه
بوصيهـم ثلاثتهـم سياسـة جدهـم صـدام =ابحق الغراب لو مابه خيانـه جـذت اطنابـه
ابا الاول يحوف الكم سلالة بـوش والاقـزام =يذكرهم حصاد ارواح اهـل تكريـت واقرابـه
ابيه اليا انتخت بغداد انا خت الفارس الجـزام =يقول ايو الله اختي لعنبو من يرخص اترابـه
يهز ابسيفه الكرسي يتـل اموسقـه بحطـام =يقول انه خلف جدي وانا اللي منكـم اولابـه
تمركز واسمه الحاكم على الطاعه ولد خصام =يرد الدار عقب العار علـم بغـداد عـلا بـه
يجدد بالوفا عهد علاقه بيـن شـرق و شـام =عضيد الجار له مقدار حريص الذيب لذيابـه
عزيز للعرب عـزه حشيـم لا لفـوه احشـام =عقوبه للعميـل ايمـوت سـم الـداب دابـه
وبا الثاني فتى الاقص ى يعوض ماخذاه اعوام =تصيح اعلى المأذن بالله اكبـر لاتمثنـا بـه
يشب النار فوق النار و يدفن با لنحور اسهام =يحط الرعب بقلوب اليهـود ويقفـل ابوابـه
ابي صدر العرب يطوي مسافه عاشها منصام =ابيه ايفوز بالتحرير و نصر القدس يهنا بـه
و با الثالث تحت يمنى مليكي خادم الاسـلام =عظيم الامه القايد ابـو متعـب فخرنـا بـه
هذاك اللي ليا حامت خصومه دون داره حـام =كفخ صقر العروبة دون شعبه يفتـل اشنابـه
ليا بادر يعبر عن قـراره فـي رؤوس اقـلام =يكفي هيبته جالس و كلن يحسـب احسابـه
و انا في حب ابو عابد حرام اني اهيـم هيـام =اقبل صورته و اطلق حفظـه اللـه لاحبابـه
ابيه ايكون له خادم تحت امره رفيـع الهـام =ايقبل كفـه اليمنـى اوامـر سـم و مجابـه
ابي يحرص على شوفه يحط الزام عقب الزام =ابيه يصير لو ربع الزعيم اللـي يحفـوا بـه
و هاذي منتهى الغايه ولكن قبل اقول اختـام =ابرسل خـط برقيـه يعـد اللـي نوينـا بـه
بدزه عاجل و سري عليه من اليميـن ارقـام =بيانه جمله تبغى الستيمـه يمسـك اعصابـه
بجي يا عاهل الاردن تحرانـي خـلال ايـام =نسوق لك المواتر من جنوب الـدار خطابـه
تحراني عسى ربي يجنبنـي حبـر و ابهـام =اما اني جيتكم طالب أونـي ضعـت بطلابـه [/poem]


[align=center]نقلا عن :صحيفـة الوئــام[/align]