قيمة حروفي بنك معلومات لـه عـدة فـروع

[مجنون عتيبه]

ياقاف خذ مني حروف مرتبه واطلـع طلـوع
اسبح على متن الفضا وابعد وخـل المعمعـه


لامن تساويت انت مع كوكب زحل خل الرجوع
خلك معه خلك معه خلـك معـه خلـك معـه


لنك من احساسي وانا ماني على الهين قنـوع
وغير ارتفاعك للفضا ماعاد لي بـك مطمعـه


وان جذبتك الجاذبيه مـن فضـا وقّـع وقـوع
على مشاعر من جـذب, مليـون ولا اربعـه


مابيك تبقى بالعقول من الربـوع ليـا الربـوع
ابغاك تبقى بالمحيـط اللـي يـرد الزعزعـه


ربي خلقني شاعر(ن)واعطي ولكنـي جـزوع
وطرفي عن المنسوج كانه مارقا فوق ارفعـه


زرع المزارع يختلف ماكل نوع(ن)مثل نـوع
ياكثر منتوج المزارع مزرعـه فـي مزرعـه


وانا غروري يبتعد بي لا خنوع ولا خضـوع
والغصن لاشفته تمايل مـن شموخـي اقطعـه


قيمة حروفي بنك معلومات لـه عـدة فـروع
هجس(ن)وراي وفكر والخفاق دولـة تجمعـه


وانا ادري الكافر صلاته لا سجود ولا ركـوع
ولا تنقبل حتى لو انـه الـف ركعـه يركعـه


وان جات الافكار الخوالي من منابعهـا تفـوع
قلت السعه ثم السعه ثـم السعـه ثـم السعـه


حتى لو الخفاق من كثر الزعـل دق الضلـوع
ارتـاح لا دق الضلـوع وردّ لنـه تـردعـه



الشاعر

مرزوق محمد الرمالي الشمري

----------------------

وسلامت عيون من تاااابع

من مفضلتي