افهموها بالنهايه لاتحدوني علاها

[ناصر الحربي]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
انشدولي عن بيوت الشعر وين الله رماها=وش بلاها وش رماها يالحروف الأبجديه
يمكن انه مايقارب مستواي المستواها=ويمكن اني ماعرفة الشعر قبل الجاهليه
والله اني لي ثلاث اشهور مدري وش بلاها=محتسيها واحتستني لكن الطاروق نيه
سبة اهجوسً تزايد من خلاها في خلاها=احرقتني واحترقت وزادت الكيات كيه
والله ان بيوت شعري ماتخيب من دعاها=لكن اني مبتلش بين الحكايه والقضيه
لو عرفة علاج هاذي زاد في هاذي خفاها=وان نشدت الناس قالوا ذي علومً سرمديه
مدري العالم تفتح او يزيد الله عماها=او نعيش العمر كله بين ذيك وبين ذيه
وادري ان الذيب دايم صيدته لامن قصاها=ما يرده غير شوف اللي يدافع عن طليه
ودام انا راعي قوافي ابشروا باللي رعاها=يمكن ان العلم ياصل للعقول اليعربيه
إيه شاعر واتفنن بالقصايد وحماها=ولاكترب حبل القوافي جاك قافي بالحميه
متعبت وقلت راحت من بيلحقني مداها=قبل لاتوصل لغيري صرت مهديها هديه
من بدايتها وانا اعرف وين يكمن منتهاها=واعرف اني ماحسدته يوم ساقوها عطيه
ولاحسبت احساب منهو مايفكر في خطاها=لاني اعرف ليه اسوق الهرش واقتاد المطيه
وقبل ماتحكي عباد الله وتحرك شفاها=اللبيب ايعرف يفهم بالخطى قبل الأذيه
ليه ابينها وانا ادري اذنها دايم معاها=ليه ما اميز بعقلي ليه ما افكر شويه
افهموها بالنهايه لاتحدوني علاها=واضحه ولا غموض العلم كله مزرويه
[/poem]