علي عليان السحاني أجي له .... ورفع له البيضا على كل ما فات

[فهد الروقي]

[align=center]مواقف الرجال تأسر الكريم .... وهناك شخص له معروف على وددت أن أكافئه عليه ولو بقصيدة .... مع اعتذاري الشديد له ولكم عن تواضعها ....[/align]


[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الله على اللي ساع نزل مديله = باوراق جمرك ما بعد صار لوحات
من ديرة الألمان وارد وكيله = ستة على الألفين كرت الوكالات
جفالي أبيض سكس هندرد حصيله = وسمه على الشنطه حروف الخواجات
مرسدس حجمه لارج مابه مثيله = الضامن الله وسط درجه كفالات
صدرت لوحاته حروفٍ جميله = اللام بعد العين واليا قبل تسعات
وفللت له بنزين بعد تغسله = والزيت والسيفون وقيج الاطارات
وسلمت مفتاحه سليم ديليه = حريف طاره رجل صعب المهمات
عشق له الدي وانهمه بالثقيله = وعانق الغربي يشاد الخوندات
ملفاه دار اللي يزبن دخيله = دون الدخيل الموت هيهات هيهات
رجلٍ على الشدات حمله يشيله = يومٍ غيره تاركٍ حمله اشتات
ووقت الملاقى سعد من يعتزي له = ترجح موازينه على كل كفات
راعي يمينٍ ما تذك الهزيله = جزلٍ على قولي براهين وثبات
يعطى العطا مايستشير الحليله = لا قال قولٍ تم ما فيه شكات
هذاك أبو فواز راع الجميله = حاش المراجل كلها والشكالات
علي عليان السيحاني أجي له = وارفع له البيضاء على كل ما فات
لعل عودنٍ ارثه مع خليله = في جنة الفردوس يشرب بكاسات
باغيك توعدني زياره طويله = والله على شوفك لاسوق البشارات
وصلاة ربي عد مانشت مخيله = على شفيع الخلق سيد البريات[/poem]