ابن خشرم والذيابي

[خياااااااااااال]

[align=center]اخواني الكرام اعضاء منتدى عتيبة

السلام عليكم ورحمة الله وبركاته

نقدم لكم هذه المساجلة بين الشاعرين

سعيد ابن عياد الذيابي

وعائض بن خشرم البقمي

ونظراً للعلاقة المتميزه بين قبيلة عتيبه والبقوم احببت ان اهديها

لكم



يقول الشاعر


سعيد بن عياد الذيابي

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
سويت لي فنجال يسوى فناجيل = يشح به بعض العرب عن عياله

واوفيت له حقه من البن والهيل = وثلاث حاجات تخصه كماله

ومشكل لونه مع الصين تشكيل = اشقر محمر داخل به شعاله

لاهفه المشتاق في تالي الليل = كنه مسويه ابقمي في دلاله

هذا كلام الصدق ماهو تهاويل = والي مكذبني هذا من هباله

سير لهم ياناقل القال والقيل = سير من الحشرج ليا اقصى السفاله

ومن شعر والعرقين روحو مشاميل = حتى حضن والي سكن في جباله

وفي مر والحره تحصل رياجيل = الحضر والي ساكن في حلاله

ومن حد بالحارث وغامد مقابيل = كل عطوه اجابته عن سؤاله

وارجع لواد( ن) به غروس مضاليل = بالماس الاشقر محتمين ظلاله

ظله يبونه للعذارا مقاييل = وتمره يبونه للمسير فواله

تلقى حمول الخيل ذباحة الحيل = رجالهم يكفي ضيوفه اقباله

اقبال احلى من شراب الشهاليل = لاجاء من القبله حقوق خياله

في وادي مسيول سيل بثر سيل = صافي على وجه البسيطه زلاله

والي حمى ركن الحرم من هل الفيل = ماقلتها مزحه ولاهي ختاله

اقولها حب ومعزه وتفضيل = وكل ابقمي معطيه نعم لحاله [/poem]


رد الشاعر

عائض بن خشرم البقمي


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
دوب انشرح بالي لبدع التماثيل = بسم الله الرحمن جل جلاله
حامي حرم مكه بطير الابابيل = وباعث نبيه للبشر بالرساله
حي الكلام الي لفوبه مراسيل = وياطيب من قاله وياطيب فاله
ماقيل شكوى من هموم وغرابيل = الا وفا للمعرفه والزماله
اسعيد حلحيل الرجال الحلاحيل = امعرب جده وعمه وخاله
منصى الرجال الي يبون التعاليل = وباذل لقولة نعم حاله وماله
دايم دلاله فوق ضوه مقابيل = لاشافها الضرمان يرتاح باله
ويرهي لهم بن اليمن والبرازيل = ويذبح لهم كبش من اغلى حلاله
من روس قوم يوم قدح المفاتيل = خيالهم يفعل على مابداله
لطامة العايل وذباحة الحيل = وكسابة النوماس في كل حاله
متوارثين المجد جيل بعد جيل = ومتوارثين المعرفه والشكاله
مكيالهم يرجح بكل المكاييل = لاجالهم فوق الخيول اجتواله
مافات من نجد المسمى ولاميل = صفتله الهيلا وجوه صفاله
وحنا البقوم امعسفت سبق الخيل = قولي وقدمي من حكابه وقاله
وحنا حمينا وادي ( ن ) كنه النيل = نهار باشة مصر يرسل عياله
امنكلين بجيش الاتراك تنكيل = يوم ان جيش الترك يصعب قتاله
وياما هدمنا من منارة معاميل = وياما قطعنا من فنود جلاله
ولاقول انا البارع ببدع المواويل = لاكن ترجم خاطري ماطراله
واختامها ياسعيد نغليك بالحيل = جار وعزيز ومن سلوك جلاله[/poem]



امل ان تحوز علي استحسانكم

والسلام ختام[/align]