الا ياحروف الشعر يا مرسل الاحباب //////////

[الذويبي العتيبي]

[poem=font="Simplified Arabic,6,darkblue,normal,normal" bkcolor="transparent" bkimage="" border="ridge,8,orange" type=2 line=0 align=center use=ex num="0,black"]

الا ياحروف الشعر يا مرسل الاحباب=ويامركب(ن) لاغلى المخاليق تصليني
ابي فيك اركز ماطرى من هموم اصعاب=عسى قبل نور الصبح بالخط يمديني
ابا اجمع رحيق الود بالدم اخط اكتاب=وعسى مايشوفك في طريقك حسوديني
وتلفين من دمعي من اسبابها صباب=مزون تهل الدمع واعمت نظر عيني
عطيها الخبر عني وهجر بدون اسباب=يجيب القهر ويجيب فرقا المحبيني
الا ياوليف الروح ياغاية الطلاب=اذا جيت ابا اصبر هاجسي مايخليني
ولن جيت ابي بيتك عيوني عليها احجاب=وشوفي لسكة بيتكم مايوديني
ابي منك حاجه قبل مايخرب المشراب=تجيب العلاج اللي من الشوق يشفيني
وانا اعرف علاجي شوفتك لافتحت الباب=تراها عن اغلى شيء ضني تكفيني
احبك واحبك لين ترفع لي الانصاب=ولا اشوف غيرك بالبشر من يهنيني
فخلك كريم ولا تضلي معي لعاب=بنار الغلا ياداعج العين ترميني
من البعد والحرمان راس المولع شاب=وقلبه على طاريك يكوي الضلاعيني
ونفسه قزت للزاد والهم فيها ذاب=ومن شاف زوله قال ذا شخص مسكيني
وانا الواحد اللي فالهوى خاطره مرتاب=وعندي على قولي شهود وبراهيني
تقرب ومد إيديك وتلقا الهوى هباب=بريحة زهور الحب يعطيك مافيني
ونرقا على الهامه ونرقا بروس اهضاب=وسقييك لو تضمى من اقصا شراييني
ونعزف لحون العشق في عالي المرقاب=ونبني لنا رجم (ن) لذكرى المهاويني
تري العمر لحظه فكري كم صديق غاب=وكم من قريب(ن) بعد لحظات تبكيني[/poem]


اخوكم الذويبي العتيبي