مافيه اشرّ من الهواوي ليا ضـاق && من ضيقته حتى البزر يشتكي لـه

[من عتبان الكويت]

مساكم ووووووووورد




الحب شايب والفراق ابنـه العـاق
والوصل غايه والقصايـد وسيلـه


اثر المفارق له علاقـه بالاخـلاق
ويقصر طويلة صدر راعي الطويله


مافيه اشرّ من الهواوي ليا ضـاق
من ضيقته حتى البزر يشتكي لـه


ياللي غضبت وكانت حلولك فـراق
الغيـض ولعـه والمجـادل فتيلـه


ابليـس للفتنـه وللشـر سـبّـاق
يجيك في صورة رذيـل ورذيلـه


العين مايغـدي بهـا كـل بـرّاق
والاذن ماكـل الحكـي ترتخيـلـه


راعي الكلام يزّود الطاق بالطـاق
يحكي بشخص وياصله ويحكي لـه


خص ٍ ليا كان الحكي بين عشّـاق
ماله سوا: مالـك دخـل والفشيلـه


لو شفت وش قيمة غرامك بالاعماق
ماطعت لو لامـوك فينـي قبيلـه


ماهو تضيّق صدرك وتركز الساق
كنّي كفـرت وقاتـل ٍ لـي قتيلـه


ياللي خدودك قطنه وعودك دقـاق
والوجـه ياحلـوه وياحبنـي لـه


عليـك ماظنـي بتحتـار الاذواق
الا اليـا كانـه هبيـل او هبيلـه


صغيّر ٍ وتشيل حمـل ٍ ماينطـاق
وشلون عافـرت الحمـول الثقيلـه


وانا احسبنك طيّب وقلبـك رقـاق
يامـدرّس فنـون القسـاوه لجيلـه


رح والشقا على الهواجس والاوراق
ياللي عقب فرقـاه شوقـه بديلـه


اشتاق وادري مانت راجع لو اشتاق
مير العوض بالذكريـات الجميلـه