صباحكم عسسسسسسسسسسسسل
الشـوق اتعبنـي علـى مـر الايـام
والقلب ربـي مـن جروحـه يعينـه
ياغايبـه ماشـوفـك إلا بـالاحـلام
وفراقنـا تمشـي وتمضـي سنيـنـه
مليت احـس انـك قريبـه بلاوهـام
وتعبـت اقـول ان الجفـا ماتبيـنـه
وش ذنبي انـي آخـر الليـل مانـام
واضيق واسال نوم الاحباب وينـه ؟
الحب دمعـه تشبـه دمـوع الايتـام
والموت ابـرك مـن جفـاه وحنينـه
اللي يحبك عاف غيرك مـن اعـوام
وشلون لـك قلـب ٍ كـذا تجرحينـه
غبتي وصار الناس من حولي اصنـام
مافـي يميـن احسهـا لـي أميـنـه
اجيك لو موتي علـى سيـر الاقـدام
وش عـاد باقـي للفـرح ياحزينـه
ماترخص دموعك على ضيقي العـام
اجي لو اسمع بس سلطان (عتبان) وينه
قلبي يبي قلبـك ولـو كلـك حطـام
يبيـك لـكـن مـابـي تحرقيـنـه
وانـا وربـك مكتفـي جـرح وآلام
وان ماحصـل لـه حـب لاتطلبيـنـه
هذي رسالـه وقتهـا شـوق والهـام
حسـي بهـا وانـا اعرفـك ذهينـه
آقولها لوهـي علـى حبـل الاعـدام
لـو مـت قلـب كـان فيهـا بحينـه
ابقى احبك لـو علـى حبـك نظـام
مهما حصـل تبقيـن عنـدي ثمينـه
حطمـت بغيابـك مـن الهـم ارقـام
تعبـت ادور فـي بحـورك سفينـه
ياغايبـه غاليـك هدتـه الاوهــام
مـن يـوم ماخلـت يدينـك يديـنـه
اربـع ليالـي انتقـابـل بـالاحـلام
انتي بمدينـه وعاشقـك فـي مدينـه
سلطان النواف
| 
|
05-28-2007, 12:22 AM
اللي يحبك عاف غيرك مـن اعـوام؟؟؟وشلون لـك قلـب ٍ كـذا تجرحينـه
المواضيع المتشابهه
العرض الشجري